വ​യോ​ജ​ന ക​ലാ​മേ​ള​യി​ൽ ഓർമകളിലെ മൊഞ്ചേറി മണവാട്ടിമാർ
കണ്ണൂരാൻ വാർത്ത
ക​ണ്ണൂ​ര്‍: പ്രാ​യ​ത്തി​ന്റെ അ​വ​ശ​ത​ക​ള്‍ മ​റ​ന്ന് 63കാ​രി​യാ​യ പ​ത്മി​നി​യ​മ്മ മ​ണ​വാ​ട്ടി​യാ​യി വേ​ദി​യി​ലെ​ത്തി. ഒ​പ്പം ഒ​മ്പ​ത് തോ​ഴി​മാ​രാ​യ അ​മ്മൂ​മ്മ​മാ​രും. ക​​വി​​ളി​​ലെ നു​​ണ​​ക്കു​​ഴി​​ക​​ൾ​​ക്കും മു​​ഖ​​ത്ത് വി​​രി​​ഞ്ഞ നാ​​ണ​​ച്ചി​രി​ക​ൾ​ക്കും പോ​യ​കാ​ല​ത്തെ ന​ല്ല ഓ​ർ​മ​ക​ൾ അ​യ​വി​റ​ക്കാ​നു​ണ്ടാ​യി​രു​ന്നു. മാ​പ്പി​ള ഇ​ശ​ല്‍ പെ​യ്തി​റ​ങ്ങി​യ ക​ല്യാ​ണരാ​വി​ന്റെ നി​റ​വി​ലാ​യി​രു​ന്നു ചൊ​വ്വാ​ഴ്ച വ​യോ​ജ​ന ക​ലോ​ത്സ​വ സ​ദ​സ്സ്.

ചെ​റു​കു​ന്ന് പ​ള്ളി​ക്ക​ര​യി​ലെ മൂ​ന്ന് അ​യ​ൽ​ക്കൂട്ട​ങ്ങ​ളാ​ണ് ഒ​പ്പ​ന​യു​മാ​യി വേ​ദി​യി​ലെ​ത്തി​യ​ത്. കി​ളി​വീ​ട്, സ്നേ​ഹ​വീ​ട്, ക​ളി​വീ​ട് എ​ന്നി​ങ്ങ​നെ മൂ​ന്ന് അ​യ​ൽ​ക്കൂട്ട​ങ്ങ​ളി​ൽ പ​ത്മി​നി​യ​മ്മ​ക്ക് പു​റ​മേ ശാ​ര​ദ, ഓ​മ​ന, വി​ജ​യ​ല​ക്ഷ്മി, നി​ർ​മ​ല, രോ​ഹി​ണി, അ​ഖി​ന​സ്, എ​റോ​ണി, ഇ​ഖ്നേ​ഷ്യ എ​ന്നി​വ​രാ​ണ് തോ​ഴി​മാ​രാ​യി എ​ത്തി​യ​വ​ർ.

എ​ല്ലാ​വ​രും അ​റു​പ​തി​നും എ​ഴു​പ​തി​നും പ്രാ​യ​മു​ള്ള​വ​ർ. പ​ക​ൽ സ​മ​യ​ങ്ങ​ളി​ൽ തൊ​ഴി​ലു​റ​പ്പ് ജോ​ലി​ക്ക് പോ​കു​ന്ന സം​ഘം രാ​ത്രി സ​മ​യ​ങ്ങ​ളി​ലാ​ണ് ഒ​പ്പ​ന​ക്കാ​യു​ള്ള പ​രി​ശീ​ല​നം ന​ട​ത്തു​ക. ദി​വ​സ​വും രാ​ത്രി ഏ​ഴു​മു​ത​ൽ ഒ​മ്പ​തു വ​രെ പ​രി​ശീ​ല​നം നേ​ടും. ര​ണ്ട​ര​മാ​സം കൊ​ണ്ടാ​ണ് ഒ​പ്പ​ന​യു​ടെ സ്റ്റെ​പ്പു​ക​ൾ പൂ​ർ​ണ​മാ​യും പ​ഠി​ച്ചെ​ടു​ത്ത​ത്. കെ. ​പ്രി​ൻ​സി​യു​ടെ ശി​ക്ഷ​ണ​ത്തി​ലാ​ണ് പ​രി​ശീ​ല​നം. ഇ​തി​നോ​ട​കം നി​ര​വ​ധി വേ​ദി​ക​ളി​ൽ ഈ ​അ​മ്മൂ​മ്മ​ക്കൂ​ട്ടം ഒ​പ്പ​ന അ​വ​ത​രി​പ്പി​ച്ചു. ഇ​തു​കൂ​ടാ​തെ തി​രു​വാ​തി​ര​യും ക​ളി​ക്കു​ന്നു​ണ്ട്.

പ്രാ​യ​ത്തി​ന്റെ അ​വ​ശ​ത​ക​ൾ മ​റ​ക്കാ​ൻ വ​യോ​ജ​ന​ങ്ങ​ള്‍ക്കാ​യി ജി​ല്ല പ​ഞ്ചാ​യ​ത്തും സാ​മ​ൂഹി​ക നീ​തി വ​കു​പ്പു​മാ​ണ് വ​യോ​ജ​ന ക​ലാ​മേ​ള ന​ട​ത്തി​യ​ത്. ഇ​തി​ൽ ഒ​പ്പ​ന​ക്കു പു​റ​മേ തി​രു​വാ​തി​ര, നാ​ട​ൻ​പാ​ട്ട് തു​ട​ങ്ങി​യ​വ​യും ന​ട​ത്തി. വ​യോ​ജ​ന​ങ്ങ​ളു​ടെ ശാ​രീ​രി​ക ആ​രോ​ഗ്യ​ത്തോ​ടൊ​പ്പം മാ​ന​സി​കാ​രോ​ഗ്യം കൂ​ടി മെ​ച്ച​പ്പെ​ടു​ത്താ​നാ​ണ് ക​ലോ​ത്സ​വം.

പ​ഞ്ചാ​യ​ത്തു​ക​ള്‍, ബ്ലോ​ക്കു​ക​ള്‍ എ​ന്നി​വി​ട​ങ്ങ​ളി​ല്‍ വ​യോ​ജ​ന ക​ലോ​ത്സ​വം ന​ട​ത്തി തെ​രെ​ഞ്ഞെ​ടു​ക്കു​ന്ന​വ​ര്‍ക്കാ​ണ് ജി​ല്ല വ​യോ​ജ​ന ക​ലോ​ത്സ​വ​ത്തി​ല്‍ മാ​റ്റു​ര​ച്ച​ത്. ജി​ല്ല​യി​ല്‍ ആ​ദ്യ​മാ​യാ​ണ് വ​യോ​ജ​ന ക​ലോ​ത്സ​വം സം​ഘ​ടി​പ്പി​ച്ച​ത്. 60 വ​യ​സ്സ് ക​ഴി​ഞ്ഞ സ്ത്രീ​ക​ളും പു​രു​ഷ​ന്മാ​രു​മാ​യി​രു​ന്നു വി​വി​ധ മ​ത്സ​ര​ങ്ങ​ളി​ലാ​യി അ​ര​ങ്ങി​ലെ​ത്തി​യ​ത്.

ജി​ല്ല പ​ഞ്ചാ​യ​ത്തി​ലെ മു​തി​ർ​ന്ന അം​ഗ​ങ്ങ​ളാ​യ വി​ജ​യ​ൻ, ത​മ്പാ​ൻ, കോ​ങ്കി ര​വീ​ന്ദ്ര​ൻ, എം. ​രാ​ഘ​വ​ൻ എ​ന്നി​വ​ർ ചേ​ർ​ന്ന് ഉ​ദ്ഘാ​ട​നം ചെ​യ്തു. ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് പി.​പി. ദി​വ്യ അ​ധ്യ​ക്ഷ​ത വ​ഹി​ച്ചു.

ജി​ല്ല പ​ഞ്ചാ​യ​ത്ത് വൈ​സ് പ്ര​സി​ഡ​ന്റ് ബി​നോ​യ് കു​ര്യ​ൻ, സ്ഥി​രം സ​മി​തി ചെ​യ​ർ​പേ​ഴ്സ​ന്മാ​രാ​യ വി.​കെ. സു​രേ​ഷ് ബാ​ബു, കെ. ​സ​ര​ള , കെ.​കെ. ര​ത്ന​കു​മാ​രി, യു.​പി. ശോ​ഭ, ജി​ല്ല വ​യോ​ജ​ന കൗ​ൺ​സി​ലം​ഗം ടി. ​ഭ​ര​ത​ൻ, സീ​നി​യ​ർ സി​റ്റി​സ​ൺ​സ് ഫ്ര​ണ്ട്സ് വെ​ൽ​ഫെ​യ​ർ അ​സോ​സി​യേ​ഷ​ൻ ജി​ല്ല സെ​ക്ര​ട്ട​റി പി. ​കു​ഞ്ഞി​ക്ക​ണ്ണ​ൻ, സീ​നി​യ​ർ സി​റ്റി​സ​ൺ​സ് ഫോ​റം, ജി​ല്ല സെ​ക്ര​ട്ട​റി സി.​കെ. ര​ഘു​നാ​ഥ​ൻ ന​മ്പ്യാ​ർ, ജി​ല്ല സാ​മൂ​ഹി​ക നീ​തി ഓ​ഫി​സ​ർ എം. ​അ​ഞ്ജു മോ​ഹ​ൻ എ​ന്നി​വ​ർ പ​ങ്കെ​ടു​ത്തു.


Post a Comment

താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു

Previous Post Next Post
കണ്ണൂരാൻ വാർത്ത
കണ്ണൂരാൻ വാർത്ത