കെ.റെയിൽ പദ്ധതി ഉപേക്ഷിക്കണമെന്നാവശ്യപ്പെട്ടുകൊണ്ട് ഒപ്പുശേഖരണം ആരംഭിച്ചു.

ഒരു ലക്ഷത്തിലേറെ ആളുകളെ കുടിയൊഴിപ്പിച്ചു കൊണ്ടുള്ള കെ.റെയിൽ പദ്ധതി അശാസ്ത്രീയവും ജനവിരുദ്ധവുമാണെന്ന് ഡോ.ഡി.സുരേന്ദ്രനാഥ് അഭിപ്രായപ്പെട്ടു. സംസ്ഥാന കെ.റെയിൽ വിരുദ്ധ ജനകീയ സമിതിയുടെ ആഹ്വാന പ്രകാരം, കെ-റെയിൽ പദ്ധതി ഉപേക്ഷിക്കണമെന്നാവശ്യപ്പെട്ട് ഗവർണർക്ക് നൽകുന്ന ഭീമ ഹരജിയിലേക്കുള്ള ഒപ്പുശേഖരണ പരിപാടിയുടെ ഉദ്ഘാടനം കണ്ണൂർ പഴയ ബസ് സ്റ്റാന്റിൽ വച്ച് നടത്തുകയായിരുന്നു അദ്ദേഹം.ഇപ്പോൾ തന്നെ കടക്കെണിയിലായിരിക്കുന്ന കേരളത്തിന്റെ സാമ്പത്തികാവസ്ഥയേയും ലോല ഭൂഘടനയേയും പരിഗണിക്കാതെയുള്ള, സാമൂഹ്യ-പാരിസ്ഥിത ആഘാത പഠനം നടത്താതെയുള്ള ഈ പദ്ധതിക്കെതിരെ ഇരകൾ മാത്രമല്ല  സാമൂഹ്യ- പ്രകൃതി - ശാസ്ത്ര സ്നേഹികളും സംഘടനകളും രംഗത്തെത്തിക്കഴിഞ്ഞു. ഈ എതിർപ്പുകളെയെല്ലാം അവഗണിച്ച് പദ്ധതിയുമായി മുന്നോട്ടു പോകുന്നത് ഗൂഢോദ്ദേശ്യമുള്ളതു കൊണ്ടാണ്. അദ്ദേഹം കൂട്ടിച്ചേർത്തു.

പരിപാടിയിൽ കെ.റെയിൽ വിരുദ്ധ സമരസമിതി ജില്ലാ കൺവീനർ അഡ്വ.പി.സി വിവേക് അധ്യക്ഷനായി. അനൂപ് ജോൺ, അഡ്വ.ആർ.അപർണ, അഡ്വ.ഇ.സനൂപ്, താരിഖ് എന്നിവർ പ്രസംഗിച്ചു.