കേളകം: കേളകം, കൊട്ടിയൂര്‍ മേഖലകളില്‍ ഇന്നലെ വൈകുന്നേരമുണ്ടായ ചുഴലിക്കാറ്റില്‍ വ്യാപക നാശനഷ്ടം. കേളകം പഞ്ചായത്തിലെ പൊയ്യമല, വെണ്ടെക്കുംചാല്‍, മീശക്കവല, അടയ്ക്കാത്തോട് മേഖലകളിലും കൊട്ടിയൂര്‍ പഞ്ചായത്തിലെ വെങ്ങലോടി, പഞ്ചാരമുക്ക്, പള്ളിയറ മേഖലകളിലുമാണ് വ്യാപക നാശനഷ്ടമുണ്ടായത്.
അടയ്ക്കാത്തോട്ടില്‍ മുസ്‌ലിം ലീഗ് ഓഫീസ് മരം വീണ് തകര്‍ന്നു. പുളിക്കക്കുന്നില്‍ ജാഫറിന്‍റെ പീടികമുറി തുടങ്ങിയവ തകര്‍ന്നു. കൊട്ടിയൂര്‍ പഞ്ചായത്തില്‍ മരങ്ങള്‍ കടപുഴകി വീണ് അഞ്ച് വീടുകള്‍ക്ക് കേടുപാടു പറ്റി.
വെങ്ങലോടി സ്വദേശി വത്യാട്ട് ബാബു, പുനത്തില്‍ ലക്ഷ്മി, പള്ളിയറ സ്വദേശികളായ ഇരിങ്ങോളില്‍ മത്തായി, തെങ്ങടയില്‍ ജോണി, തോണിക്കുഴി ദേവസ്യ തുടങ്ങിയവരുടെ വീടുകള്‍ക്കാണ് കേടുപാടുണ്ടായത്.
പ്രദേശത്തെ നിരവധിയാളുകളുടെ തൊഴുത്ത്, വിറകുപുര, റബര്‍ പുര തുടങ്ങിയവയ്ക്ക് കേടുപാടുപറ്റി. പ്രദേശത്തെ കുന്നുംപുറം ജോസ്, ആക്കപ്പാറ ഭാസ്‌കരന്‍, മേമുട്ടത്ത് രവി, വല്ലത്തുകാരന്‍ പൗലോസ്, കുട്ടത്ത്പറമ്ബില്‍ മുരളി, പാറക്കല്‍ ഇന്ദിര, മണ്ണൂര്‍ ജോര്‍ജ്, താന്നിക്കല്‍ ഷിബു, പുല്ലാട്ട് ജോസ്, പുളിക്കമാലില്‍ മാനുവല്‍, പള്ളിക്കാട്ട് ജോസ്, പള്ളിയറ സ്വദേശികളായ മടത്തുമുറി ജോസ്, ഇരിങ്ങോളില്‍ മത്തായി , കരിപ്പ്കാട്ടില്‍ ജോസഫ്, ഊരാളിക്കുന്നേല്‍ തോമസ്, മുക്കടക്കാട്ട് തോമസ്, തൈപ്പറമ്ബില്‍ ബാബു, മാടത്തുംമുറി ജോസ്, തെങ്ങടയില്‍ ജോണി, വെള്ളരിക്കുന്നേല്‍ സ്കറിയ, പാറയില്‍ ജോസ്, പാറയില്‍ ജോണി, കുന്നത്തുമാക്കല്‍ ഔസേപ്പച്ചന്‍, കരിപ്പുകാട്ടില്‍ ജോസ് കുട്ടി, വെളിയത്ത് സുരേന്ദ്രന്‍, പരുന്തുവീട്ടില്‍ ജോസ് എന്നിവരുടെ കാര്‍ഷിക വിളകളും നശിച്ചു.
മരം പൊട്ടി വൈദ്യുതി ലൈനില്‍ വീണതിനാല്‍ പ്രദേശത്തെ വൈദ്യുതി, കേബിള്‍ ബന്ധവും താറുമാറായി. മരം കടപുഴകി റോഡിന് കുറുകെ വീണതിനാല്‍ പല ഭാഗത്തേക്കുള്ള ഗതാഗതം ഭാഗികമായി തടസപ്പെട്ടു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു