മട്ടന്നൂര്‍: മാലൂരിലെ കപ്പറ്റപ്പൊയില്‍വയോധികയെ വീടിനുള്ളില്‍ മരിച്ച നിലയില്‍ കണ്ടെത്തി. കോറോത്ത് ലക്ഷം വീട്ടിലെ നന്ദിനി (75) യാണ് മരിച്ചത്. തലയ്ക്കും ശരീരത്തിലും പരിക്കേറ്റ പാടുകളുണ്ട്. ഇന്നലെ വൈകുന്നേരത്തോടെയാണ്കിടപ്പുമുറിയില്‍ മരിച്ച നിലയില്‍ കാണുന്നത്. വീട്ടില്‍ നന്ദിനിയുടെ മകള്‍ ഷെര്‍ളിയും ഭര്‍ത്താവ് ഭാസ്കരനുമാണ് താമസം. സംഭവമറിഞ്ഞു പേരാവൂര്‍ സിഐയും മാലൂര്‍ പോലീസും സ്ഥലത്തെത്തി അന്വേഷണം നടത്തി. വീട്ടുകാരെ ചോദ്യം ചെയ്തു വരികയാണ്. പോലീസ് വീട് പൂട്ടി സീല്‍ ചെയ്തിരിക്കുകയാണ്.സ്ഥലത്ത് പോലീസ് കാവല്‍ ഏര്‍പ്പെടുത്തിയിട്ടുണ്ട്. ഇന്ന് ഇന്‍ക്വസ്റ്റിനു ശേഷം മൃതദേഹം പോസ്റ്റുമോര്‍ട്ടത്തിനയക്കും. മരണത്തില്‍ സംശയമുള്ളതിനാല്‍ ഫോറന്‍സിക് വിഭാഗം ഉള്‍പ്പെടെ വീട്ടിലെത്തി പരിശോധന നടത്തും.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു