മട്ടന്നൂര്: മട്ടന്നൂര് നിയോജക മണ്ഡലത്തിലെ പോളിംഗ് സാമഗ്രികളുടെ വിതരണം വൈകിയതിനെ തുടര്ന്ന് വിതരണ കേന്ദ്രത്തില് ഉദ്യോഗസ്ഥരുടെ വന് തിരക്ക്. മട്ടന്നൂര് ഹയര്സെക്കന്ഡറി സ്കൂളില് ഇന്നലെ ഉച്ചയ്ക്ക് പന്ത്രണ്ടോടെ മാത്രമാണ് പോളിംഗ് സാമഗ്രികളുടെ വിതരണം തുടങ്ങാനായത്.
രാവിലെ ഏഴു മുതല് തന്നെ ഇവ ഏറ്റുവാങ്ങുന്നതിനായി നിരവധി ഉദ്യോഗസ്ഥര് എത്തിയിരുന്നു. സ്കൂള് പരിസരത്ത് ഉദ്യോഗസ്ഥര് തടിച്ചുകൂടിയതോടെ കോവിഡ് മാനദണ്ഡങ്ങളെല്ലാം താളം തെറ്റി.
മുഴുവന് സാമഗ്രികളും എത്താന് വൈകിയതാണ് വിതരണം വൈകാന് കാരണമെന്നാണ് അധികൃതര് പറഞ്ഞത്.ഉദ്യോഗസ്ഥരെയും സാധനങ്ങളും കൊണ്ടുപോകാനായി നിരവധി വാഹനങ്ങളും സ്കൂള് പരിസരത്ത് എത്തിയിരുന്നു. വിതരണം വൈകിയതോടെ സ്കൂള് പരിസരത്ത് ഗതാഗതക്കുരുക്കും രൂക്ഷമായി.
മണിക്കൂറോളം പൊരിവെയിലത്ത് നിന്നാണ് ഉദ്യോസ്ഥര് റിപ്പോര്ട്ട് ചെയ്തു വോട്ടിംഗ് സാമഗ്രികള് വാങ്ങാനായത്. കോവിഡ് പ്രതിരോധത്തിന്റെ ഭാഗമായി പിപിഇ കിറ്റ് ഉള്പ്പടെയുള്ളവ പോളിംഗ് ഉദ്യോഗസ്ഥര്ക്ക് വിതരണം ചെയ്തു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു