പേരാവൂര്: ഡ്രൈഡേ ദിനത്തില് 45 കുപ്പി (22.500 ലിറ്റര്) ഇന്ത്യന് നിര്മിത വിദേശ മദ്യവുമായി പാല്ച്ചുരം സ്വദേശിയെ പേരാവൂര് എക്സൈസ് സംഘം പിടികൂടി. പാല്ച്ചുരത്തെ പി.കെ. വിനോയ് (45) ആണ് മദ്യ ശേഖരവുമായി അറസ്റ്റിലാകുന്നത്. നിയമസഭാ തെരഞ്ഞെടുപ്പ് സ്പെഷല് എന്ഫോഴ്സ്മെന്റ് ഡ്രൈവിന്റെ ഭാഗമായി പാല്ച്ചുരം പുതിയങ്ങാടി അങ്കണവാടിക്കു സമീപം നടത്തിയ റെയ്ഡിലാണ് ഒളിപ്പിച്ചു വച്ച നിലയില് മദ്യ ശേഖരം പിടികൂടിയത്.
എക്സൈസ് കമ്മീഷണറുടെ ഉത്തര മേഖലാ സ്ക്വാഡ് അംഗം പ്രിവന്റീവ് ഓഫീസര് എം.പി.സജീവനു ലഭിച്ച രഹസ്യ വിവരത്തെ തുടര്ന്നായിരുന്നു റെയ്ഡ്. ഇക്കഴിഞ്ഞ ജനുവരിയില് ഓമ്നി വാനില് 45 ലിറ്റര് മദ്യം കടത്തുന്നതിനിടെ വിനോയിയെ ഒരു സഹായിക്കൊപ്പം പേരാവൂര് എക്സൈസ് പിടികൂടിയിരുന്നു. പിന്നീടും ഇയാള് എക്സൈസിന്റെ നിരീക്ഷണത്തിലായിരുന്നു. പ്രതിയെ കൂത്തുപറമ്ബ് മജിസ്ട്രേറ്റ് മുമ്ബാകെ ഹാജരാക്കി
എക്സൈസ് പ്രിവന്റീവ് ഓഫീസര് എം.പി. സജീവന്റെ നേതൃത്വത്തില് നടന്ന റെയ്ഡില് പ്രിവന്റീവ് ഓഫിസര് ഇ.സി. ദിനേശന്, സിവില് എക്സൈസ് ഓഫീസര് സി.എം. ജയിംസ് എന്നിവരും ഉണ്ടായിരുന്നു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു