തളിപ്പറമ്ബ്: യാത്രാബസുകളെല്ലാം തെരഞ്ഞെടുപ്പ് ഡ്യൂട്ടിക്ക് പോയതോടെ കഷ്ടത്തിലായത് പൊതുജനം. കണ്ണൂര്‍-പയ്യന്നൂര്‍ റൂട്ടിലോടുന്ന സ്വകാര്യ ബസുകളും കെഎസ്‌ആര്‍ടിസി ബസുകളും തെരഞ്ഞെടുപ്പ് ഡ്യൂട്ടിക്ക് പോയതോടെയാണു ജനങ്ങള്‍ വലഞ്ഞത്.
ഇന്നലെ രാവിലെ തളിപ്പറമ്ബ് ബസ് സ്റ്റാന്‍ഡിലെത്തിയ യാത്രക്കാര്‍ക്ക് ഒരൊറ്റ ബസ് പോലും ലഭിച്ചില്ല. ചില ബസുകളാകട്ടെ ട്രാഫിക് ബ്ലോക്ക് ഭയന്ന് ടൗണില്‍ കയറാതെ പോവുകയും ചെയ്തു.
ബിഎല്‍ഒ പ്രചാരണത്തിനിറങ്ങിയെന്ന്
ഇരിട്ടി: പേരാവൂര്‍ നിയോജക മണ്ഡലം 56 ാം ബൂത്ത് ലെവല്‍ ഓഫീസര്‍ എല്‍ഡിഎഫ് സ്ഥാനാര്‍ഥിക്കു വേണ്ടി പ്രചാരണ റാലിയില്‍ പങ്കെടുത്തതായി പരാതി.ഇരിട്ടി നഗരസഭ മുന്‍ വൈസ് ചെയര്‍പേഴ്സണും അങ്കണവാടി വര്‍ക്കറുമായ പി. സരസ്വതിയ്ക്കെതിരേയാണ് പരാതി. സരസ്വതി എല്‍ഡിഎഫ് സ്ഥാനാര്‍ഥിയുടെ തെരഞ്ഞെടുപ്പ് റാലിയില്‍ പങ്കെടുത്തതായി കാണിച്ച്‌ യുഡിഎഫ് പേരാവൂര്‍ നിയോജക മണ്ഡലം കണ്‍വീനര്‍ ചന്ദ്രന്‍ തില്ലങ്കേരിയാണ് റിട്ടേണിംഗ് ഓഫീസര്‍ക്ക് പരാതി നല്‍കിയത്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു