കണ്ണൂര്‍: പൊതുമേഖലാ ബാങ്കുകളെ സ്വകാര്യവത്കരിക്കാനുള്ള നീക്കം അവസാനിപ്പിക്കണമെന്നാവശ്യപ്പെട്ട് ബാങ്ക് ജീവനക്കാര്‍ രാജ്യവ്യാപകമായി നടത്തി‍യ ദ്വിദിന പണിമുടക്കില്‍ ജില്ലയിലെ ബാങ്കിംഗ് മേഖല സ്തംഭിച്ചു. യുണൈറ്റഡ് ഫോറം ഓഫ് ബാങ്ക് യൂണിയന്‍സിന്‍റെ ആഭിമുഖ്യത്തിലാണ് പണിമുടക്ക്. ബാങ്ക് ജീവനക്കാര്‍ ജില്ലയില്‍ വിവിധ കേന്ദ്രങ്ങളില്‍ പ്രകടനം നടത്തി.
കണ്ണൂര്‍ സ്റ്റേറ്റ് ബാങ്ക് ഓഫ് ഇന്ത്യ മുഖ്യ ശാഖയ്ക്ക് മുമ്ബില്‍ നടന്ന പ്രതിഷേധ ധര്‍ണ എഐടിയുസി ജില്ലാ ജനറല്‍ സെക്രട്ടറി സി.പി. സന്തോഷ് കുമാര്‍ ഉദ്ഘാടനം ചെയ്തു.യുഎഫ്ബിയു കണ്‍വീനര്‍ സി.വി. പ്രസന്നന്‍ അധ്യക്ഷത വഹിച്ചു. എഐബിഇഎ ജില്ലാ സെക്രട്ടറി ജി.വി. ശരത്ചന്ദ്രന്‍, ബിഎസ്‌എന്‍എല്‍ എംപ്ലോയീസ് യൂണിയന്‍ സംസ്ഥാന പ്രസിഡന്‍റ് പി. മനോഹരന്‍, ബെഫി ജില്ലാ സെക്രട്ടറി ടി.എന്‍. രാജന്‍, എഐബിഒസി ജില്ലാ സെക്രട്ടറി ഷാനവാസ് അബുബക്കര്‍, പി ഉപേന്ദ്രന്‍ എന്നിവര്‍ പ്രസംഗിച്ചു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു