മട്ടന്നൂര്‍: സ്വകാര്യ ബസിന് മുന്നില്‍ സമാന്തര സര്‍വീസ് നടത്തിയ വാഹനങ്ങള്‍ ബസ് ഉടമ തടഞ്ഞു. ഇന്നലെ വൈകുന്നേരം ഉരുവച്ചാല്‍ ശിവപുരം റോഡിലാണ് സംഭവം. സമയത്ത് ഓടുന്ന ബസിന് മുന്നില്‍ യാത്രക്കാരെ കയറ്റി പോവുകയായിരുന്ന ഓട്ടോ ടാക്സി, ഓട്ടോ എന്നീ വാഹനങ്ങളെയാണ്
ബസുടമ തടഞ്ഞിട്ടത്. ശിവപുരം, തില്ലങ്കേരി, മാലൂര്‍, എന്നിവിടങ്ങളിലുള്ള ഓട്ടോയും ഓട്ടോ ടാക്സികളും ഉരുവച്ചാലില്‍ വന്ന് ബസിന് മുന്നില്‍ യാത്രക്കാരെ കയറ്റി പോകുന്നത് പതിവാണെന്നാണ് ബസ് ഉടമകളുടെ പരാതി.
നിലവില്‍ ഉരുവച്ചാല്‍ - ശിവപുരം - മാലൂര്‍ - കാക്കയങ്ങാട് റൂട്ടിലോടുന്ന ബസുകളില്‍ യാത്രക്കാര്‍ കുറവ് മൂലം ഉണ്ടാവുന്ന നഷ്ടം താങ്ങാനാവാത്ത അവസ്ഥയിലാണ് സര്‍വീസ് നടത്തുന്നത്.ക്ലീനര്‍ ഇല്ലാതെയാണ് മിക്ക ബസുകളും സര്‍വീസ് നടത്തുന്നത്.
ഇപ്പോഴത്തെ ഡീസല്‍ വില വര്‍ധനയും യാത്രക്കാരുടെ കുറവുമൂലം ഉണ്ടാവുന്ന നഷ്ടം ഉടമകള്‍ക്ക് താങ്ങാനാവുന്നില്ല. ബസിന് മുന്നില്‍ സമാന്തര സര്‍വീസ് നടത്തിയ വാഹനങ്ങളുടെ നമ്ബര്‍ സഹിതം നടപടി എടുക്കാന്‍ ആര്‍ടിഒക്ക് പരാതി നല്‍കുമെന്ന് ബസുടമ പറഞ്ഞു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു