കൂത്തുപറമ്ബ്: പ്രവാസിയുടെ കൃഷിത്തോട്ടം തീയിട്ട് നശിപ്പിക്കാന്‍ ശ്രമം. പാട്യം ഗവ. ഹയര്‍ സെക്കന്‍ഡറി സ്കൂളിനു സമീപത്തെ കെ.സി. മോഹനന്‍റെ കോങ്ങാറ്റ നോര്‍ത്ത് ഭാഗത്തുള്ള കൃഷിയിടമാണ് തീയിട്ട് നശിപ്പിക്കാന്‍ ശ്രമിച്ചത്.
നൂറിലേറെ റംബുട്ടാന്‍, മാങ്കോസ്റ്റിന്‍, തെങ്ങ്, കവുങ്ങ്, പ്ലാവ് തുടങ്ങിയ ഫലവൃക്ഷങ്ങളാണു മോഹനന്‍ കൃഷി ചെയ്യുന്നത്. ഒരേക്കറിലധികം സ്ഥലത്ത് കൃഷിക്കാവശ്യത്തിനുള്ള വെള്ളം ലഭിക്കാത്ത സാഹചര്യത്തില്‍ ഇവിടെ കുഴല്‍കിണര്‍ കുഴിക്കാന്‍ തീരുമാനിക്കുകയും ഇതിനുള്ള അനുമതി നേടുകയും ചെയ്തിരുന്നുപ്രദേശവാസികളുടെ എതിര്‍പ്പിനെ തുടര്‍ന്ന് കുഴല്‍കിണര്‍ നിര്‍മാണം നിര്‍ത്തിവച്ചിരുന്നതായി മോഹനന്‍ പറഞ്ഞു. ഇതിനുശേഷമാണ് കൃഷിയിടം തീയിട്ട് നശിപ്പിക്കാനുള്ള ശ്രമമുണ്ടായത്. തീ ആളിക്കത്തുന്നത് കണ്ട വഴിയാത്രക്കാര്‍ തീ കെടുത്തുകയായിരുന്നു. പോലീസില്‍ പരാതി നല്‍കി.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു