കണിച്ചാര്: കാളികയത്ത് കരാറുകാരനെ വെട്ടിപ്പരിക്കേല്പ്പിച്ചു. കുടിവെള്ള പൈപ്പിടല് പദ്ധതി കരാറുകാരനായ കൊളക്കാട് സ്വദേശി മണ്ണാറത്ത് ഷാജുവിനാണ് വെട്ടേറ്റത്. തിങ്കളാഴ്ച ഉച്ചയ്ക്ക് ഒന്നരയോടെയായിരുന്നു സംഭവം. കാളികയം കുടിവെള്ള പദ്ധതിയുടെ പൈപ്പിടുന്നതിനെ പ്രദേശവാസിയായ ബിജു തടഞ്ഞിരുന്നു. തര്ക്കം തുടരുന്നതിനിടെ കയ്യില് കരുതിയ വാക്കത്തികൊണ്ട് ഇയാള് ഷാജുവിന്റെ ഇടതുകൈക്ക് വെട്ടുകയായിരുന്നു. ഗുരുതരമായി പരിക്കേറ്റ ഷാജുവിനെ കണ്ണൂരിലെ സ്വകാര്യ ആശുപത്രിയില് പ്രവേശിപ്പിച്ചു.കേളകം പോലീസും പേരാവൂര് അഗ്നിരക്ഷാസേനയും നാട്ടുകാരും ചേര്ന്ന് മണിക്കൂറുകളുടെ ശ്രമത്തിനൊടുവിലാണ് ബിജുവിനെ പിടികൂടിയത്. ഇയാള്ക്ക് മാനസികാസ്വാസ്ഥ്യമുള്ളതായി പോലീസ് പറഞ്ഞു. ബിജുവിന് പിന്നീട് ആശുപത്രിയിലേക്ക് മാറ്റി.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു