കണ്ണൂര്: ഡി.ടി.പി.സിയില്നിന്ന് രണ്ടു ജീവനക്കാരെ പിരിച്ചുവിട്ട നടപടി ഹൈകോടതി ഡിവിഷന് ബെഞ്ച് തടഞ്ഞ് ഉത്തരവായി. കെ. സുധാകരന് എം.പിയുടെ ബന്ധുവായ രാഗിണി ദിലീപ്, കെ.പി. അനു എന്നീ ജീവനക്കാരെ പിരിച്ചുവിട്ട നടപടിയാണ് തടഞ്ഞത്.
2013 ഫെബ്രുവരിയില് ഡി.ടി.പി.സിയില് ദിവസവേതനത്തിലായിരുന്നു ഇവരെ നിയമിച്ചത്. 2015 മുതല് അന്നത്തെ ജില്ല കലക്ടര് ചെയര്മാനായ ഡി.ടി.പി.സിയുടെയും എക്സിക്യൂട്ടിവ് കമ്മിറ്റിയുടെയും അംഗീകാരത്തോടെ നിയമനം സ്ഥിരപ്പെടുത്തി. എന്നാല്, ഈ നിയമനം വിജിലന്സ് റിപ്പോര്ട്ട് പ്രകാരം അന്നത്തെ സെക്രട്ടറി സജി വര്ഗീസ് അനധികൃതമായി നടത്തിയെന്നായിരുന്നു ആരോപണം.സര്ട്ടിഫിക്കറ്റ് എല്ലാം ഹാജരാക്കിയ ശേഷമാണ് ജോലിക്ക് ഹാജരായതെങ്കിലും മാനദണ്ഡം പാലിച്ചില്ല എന്ന വിജിലന്സ് റിപ്പോര്ട്ടിെന്റ അടിസ്ഥാനത്തില് വിനോദസഞ്ചാരവകുപ്പ് പിരിച്ചുവിടാന് ഉത്തരവ് ഇറക്കി. ഇതിനെതിരെ ഹൈകോടതിയില് നല്കിയ ഹരജിയില് കോടതി എക്സിക്യൂട്ടിവ് കമ്മിറ്റിയോട് തീരുമാനമെടുക്കാന് ആവശ്യപ്പെട്ടു. അതുപ്രകാരം കമ്മിറ്റി പിരിച്ചുവിട്ട് ഉത്തരവ് ഇറക്കി.
അതിനെതിരെ ഹൈകോടതി ഡിവിഷന് ബെഞ്ചില് അപ്പീല് ഫയല് ചെയ്തു. അപ്പീല് കോടതിയുടെ പരിഗണയില് ഉള്ളപ്പോള് തന്നെ ജില്ല കലക്ടര് ഇരുവരെയും പിരിച്ചുവിട്ട് ഉത്തരവ് പുറപ്പെടുവിച്ചു. ഈ നടപടിയാണ് ഇപ്പോള് തടഞ്ഞത്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു