കണ്ണൂര്‍: പോലീസുകാര്‍ക്കുള്ള പോസ്റ്റല്‍ ബാലറ്റ് ഒപ്പിടുന്നതിന് നിശ്ചയസമയപരിധി ഏര്‍പ്പെടുത്തിയ റൂറല്‍ എസ്പിയുടെ ഉത്തരവില്‍ പോലീസ് സേനയില്‍ പ്രതിഷേധം. കണ്ണൂര്‍ റൂറല്‍ എസ്പിയാണ് ഉത്തരവിറക്കിയിരിക്കുന്നത്. പോസ്റ്റല്‍ ബാലറ്റ് കൗണ്ടര്‍ സൈന്‍ ചെയ്യുന്നതിന് റൂറല്‍ പോലീസിന്‍റെ കീഴിലുള്ള സബ് ഡിവിഷനില്‍ ഓരോ ദിവസത്തെ ക്യാന്പാണ് സംഘടിപ്പിച്ചിരിക്കുന്നത്. കൂത്തൂപറന്പ്, തലശേരി, കണ്ണൂര്‍ സബ് ഡിവിഷനിലാണ് ക്യാന്പ് സംഘടിപ്പിച്ചിരിക്കുന്നത്. അസിസ്റ്റന്‍റ് കമ്മീഷണറാണ് പോസ്റ്റല്‍ ബാലറ്റില്‍ ഒപ്പിടേണ്ടത്.ഇന്ന‌് കൂത്തുപറന്പ്, തലശേരി സബ് ഡിവിഷനിലാണ് അസിസ്റ്റന്‍റ് കമ്മീഷണര്‍ ക്യാന്പ് ചെയ്യുന്നത്. കൂത്തുപറന്പ്, തലശേരി ഡിവിഷന്‍ പരിധിയിലുള്ള പോലീസ് സ്റ്റേഷനിലെ പോലീസുകാര്‍ കൂത്തുപറന്പ്, തലശേരി പോലീസ് സ്റ്റേഷനില്‍ പോയി പോസ്റ്റല്‍ ബാലറ്റില്‍ ഒപ്പുവാങ്ങണം. ഇന്നുതന്നെ വാങ്ങിയില്ലെങ്കില്‍ പോസ്റ്റല്‍ ബാലറ്റ് അവസരം ഉദ്യോഗസ്ഥര്‍ക്ക് നഷ്ടപ്പെടും. പോലീസ് സ്റ്റേഷനിലെ പോലീസുകാര്‍ക്കെല്ലാം ഒപ്പുവാങ്ങാന്‍ പോകുന്പോള്‍ ആ ഡിവിഷനു കീഴിലുള്ള പോലീസ് സ്റ്റേഷനുകളുടെ പ്രവര്‍ത്തനവും അവതാളത്തിലാകും.
ഒപ്പിട്ടുവാങ്ങാന്‍ പറ്റിയില്ലെങ്കില്‍ മറ്റൊരു ഡിവിഷനില്‍ ഉദ്യോഗസ്ഥന്‍ വരുന്പോള്‍ ഒപ്പിടുവിക്കാന്‍ പറ്റുകയുമില്ല. നാളെ കണ്ണൂര്‍ ഡിവിഷനിലാണു ക്യാന്പ്. എന്നാല്‍ ചില ഡ്യൂട്ടികള്‍ ഒഴിവാക്കാന്‍ പറ്റാത്ത സേനാംഗങ്ങള്‍ ഉണ്ട് ഇവര്‍ക്ക് വോട്ട് ചെയ്യാനുള്ള അവസരം നഷ്ടപ്പെടും. പോസ്റ്റല്‍ ബാലറ്റ് ഒപ്പിട്ടുകിട്ടാന്‍ സമയപരിധി ഏര്‍പ്പെടുത്തിയത് പിന്‍വലിക്കണമെന്നാണ് പോലീസ് ഉദ്യോഗസ്ഥരുടെ ആവശ്യം.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു