കണ്ണൂര്: മുഖ്യമന്ത്രി പിണറായി വിജയന് അടക്കമുള്ള ജില്ലയിലെ എല്ഡിഎഫ് സ്ഥാനാര്ഥികള് നാളെ മുതല് നാമനിര്ദേശ പത്രിക സമര്പ്പിക്കും.
മുഖ്യമന്ത്രിയും മന്ത്രി രാമചന്ദ്രന് കടന്നപ്പള്ളിയും നാളെ പത്രിക നല്കും. രാവിലെ 11ന് മുഖ്യമന്ത്രി പിണറായി വിജയന് വരണാധികാരിയായ എഡിസി(ജനറല്) മുമ്ബാകെ പത്രിക നല്കുക. സിപിഎം ജില്ലാ കമ്മിറ്റി ഓഫീസായ അഴീക്കോടന് മന്ദിരത്തില്നിന്ന് പ്രമുഖ എല്ഡിഎഫ് നേതാക്കള്ക്കൊപ്പമായിരിക്കും പത്രിക നല്കാന് എത്തുക. പ്രകടനവും ആള്ക്കൂട്ടവുമുണ്ടാകില്ല.പതിനൊന്നരയോടെ മന്ത്രി രാമചന്ദ്രന് കടന്നപ്പള്ളി വരണാധികാരിയായ ഡെപ്യൂട്ടി കളക്ടര്(ആര്ആര്) മുമ്ബാകെ പത്രിക നല്കും.
മന്ത്രി കെ.കെ. ശൈലജ (മട്ടന്നൂര്), എം.വി. ഗോവിന്ദന് (തളിപ്പറമ്ബ്), കെ.വി. സുമേഷ്(അഴീക്കോട്), എം. വിജിന്(കല്യാശേരി), കെ.വി. സക്കീര് ഹുസൈന്(പേരാവൂര്) എന്നിവര് 16ന് രാവിലെ 11ന് കണ്ണൂരില് ബന്ധപ്പെട്ട വരണാധികാരികള് മുമ്ബാകെ പത്രിക നല്കും. അന്നു തന്നെ തലശേരി സ്ഥാനാര്ഥി എ.എന്. ഷംസീര് തലശേരിയില് വരണാധികാരിയായ സബ്കളക്ടര്ക്കും പയ്യന്നൂര് സ്ഥാനാര്ഥി ടി.ഐ. മധുസൂദനന് ഉപവരണാധികാരിയായ പയ്യന്നൂര് ബിഡിഒയ്ക്കും ഇരിക്കൂര് സ്ഥാനാര്ഥി സജി കുറ്റ്യാനിമറ്റം ഉപവരണാധികാരിയായ ശ്രീകണ്ഠപുരം ബിഡിഒക്കും പത്രിക നല്കും.
കൂത്തുപറമ്ബ് മണ്ഡലം സ്ഥാനാര്ഥി കെ.പി. മോഹനന് 17ന് രാവിലെ 11ന് പത്രിക നല്കും. മാഹിയില് എല്ഡിഎഫ് പിന്തുണയ്ക്കുന്ന സ്വതന്ത്ര സ്ഥാനാര്ഥി എന്. ഹരിദാസും അന്നു തന്നെ പത്രിക നല്കും.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു