കാസര്‍ഗോഡ്: കാസര്‍ഗോഡ് മണ്ഡലത്തിലെ എല്‍ഡിഎഫ് സ്ഥാനാര്‍ഥിയായി ഐഎന്‍എല്‍ സംസ്ഥാന സെക്രട്ടറി എം.എ. ലത്തീഫിനെ പ്രഖ്യാപിച്ചു. നേരത്തേ ഐഎന്‍എല്‍ ജില്ലാ സെക്രട്ടറിയായും ഉദുമ മണ്ഡലം ജോയിന്‍റ് സെക്രട്ടറിയായും പ്രവര്‍ത്തിച്ചിട്ടുള്ള ലത്തീഫ് ഇതാദ്യമായാണ് നിയമസഭയിലേക്ക് മത്സരിക്കുന്നത്. ഐഎംസിസിയുടെ ഷാര്‍ജ, യുഎഇ കമ്മിറ്റികളുടെ സെക്രട്ടറിയായി 20 വര്‍ഷത്തോളം പ്രവര്‍ത്തിച്ചിരുന്നു.
വിവിധ കലാ, കായിക, സാംസ്കാരിക സംഘടനകളിലും പ്രവര്‍ത്തിച്ചിട്ടുണ്ട്. ഐഎന്‍എല്‍ സംസ്ഥാന ജനറല്‍ സെക്രട്ടറി കാസിം ഇരിക്കൂര്‍, ട്രഷറര്‍ ബി.ഹംസ ഹാജി, ജില്ലാ പ്രസിഡന്‍റ് മൊയ്തീന്‍കുഞ്ഞി കളനാട്, ജനറല്‍ സെക്രട്ടറി അസീസ് കടപ്പുറം എന്നിവര്‍ കാസര്‍ഗോഡ് നടത്തിയ വാര്‍ത്താസമ്മേളനത്തിലാണ് സ്ഥാനാര്‍ഥിയെ പ്രഖ്യാപിച്ചത്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു