ചുങ്കക്കുന്ന്: കൊട്ടിയൂര്, കേളകം മേഖലകളില് ചാരായ വില്പന നടത്തുന്ന സംഘത്തിലെ പ്രധാന കണ്ണിയെ ചാരായ സഹിതം എക്സൈസ് സംഘം അറസ്റ്റ് ചെയ്തു. ചുങ്കക്കുന്ന് - ഒറ്റപ്ലാവ് സ്വദേശി കെ.ജെ. സജി ( 45) യാണ് പിടിയിലായത്. ഇയാളില് നിന്നും 20 ലിറ്റര് ചാരായവും പിടികൂടി. കണ്ണൂര് എക്സൈസ് ഇന്റലിജന്സ് ബ്യൂറോയ്ക്കും ലഭിച്ച രഹസ്യവിവരത്തെത്തുടര്ന്ന് പേരാവൂര് എക്സൈസ് ഇന്സ്പെക്ടര് സിനു കോയില്യത്തിന്റെ നേതൃത്വത്തില് നടത്തിയ റെയ്ഡിലാണ് ഇയാള് പിടിയിലാകുന്നത്. പ്രിവന്റീവ് ഓഫീസര് എന്.പത്മരാജന്, ഐ.ബി. പ്രിവന്റീവ് ഓഫീസര് ഒ. നിസാര്, സിവില് എക്സൈസ് ഓഫീസര്മാരായ പി. വിജയന്, സതീഷ് വി.എന്. ഷാജി, കെ. ശ്രീജിത്ത്, എം. ഉത്തമന് എന്നിവരും പരിശോധനയില് പങ്കെടുത്തു.
ചുങ്കക്കുന്ന്: പൊയ്യമല ഭാഗത്ത് വീട് കേന്ദ്രീകരിച്ച് ചാരായ നിര്മാണം നടത്തി വന്ന ചുങ്കക്കുന്ന് - പൊയ്യമല സ്വദേശിയെ എട്ട് ലിറ്റര് ചാരായവുമായി പേരാവൂര് എക്സൈസ് പിടികൂടി.ചുങ്കക്കുന്ന് -പൊയ്യമല സ്വദേശി ജോര്ജ് മത്തായിയെയാണ് പേരാവൂര് എക്സൈസ് പിടികൂടിയത്. പേരാവൂര് എക്സൈസിന് ലഭിച്ച രഹസ്യ വിവരത്തെതുടര്ന്ന് ഇന്ന് പുലര്ച്ചെ ചുങ്കക്കുന്ന് - പൊയ്യമല ഭാഗങ്ങളില് നടത്തിയ പരിശോധനയിലാണ് ഇയാള് പിടിയിലായത്.
പ്രിവന്റീവ് ഓഫീസര് എന്. പത്മരാജന്റെ നേതൃത്വത്തില് നടത്തിയ റെയ്ഡില് പ്രിവന്റീവ് ഓഫീസര് കെ. ഉമ്മര് സിവില് എക്സൈസ് ഓഫീസര്മാരായ പി. വിജയന്, വി.എന്. സതീഷ് , സി.പി.ഷാജി, കെ.ശ്രീജിത്ത്,എം. ഉത്തമന്,വനിത സിവില് എക്സൈസ് ഓഫീസര് കെ.കെ. അമൃത എന്നിവര് പങ്കെടുത്തു.
മട്ടന്നൂര്: കൂത്തുപറമ്ബ് എക്സൈസ് റേഞ്ച് വ്യാജ മദ്യം തടയുന്നതിന് പരിശോധന ശക്തമാക്കി. മാലൂര് കുണ്ടേരി പ്പൊയില്, കെസി നഗര് ഭാഗങ്ങളില് പ്രിവന്റീവ് ഓഫീസര് കെ.അശോകന്റെ നേതൃത്വത്തില് നടത്തിയ റെയിഡില് പ്ലാസ്റ്റിക് ബാരലുകളിലും ബക്കറ്റിലും ചാരായം വാറ്റാനായി സൂക്ഷിച്ച 250 ലിറ്റര് വാഷ് കണ്ടെത്തി. പ്രതികള്ക്കായുള്ള അന്വേഷണം ഊര്ജിതപ്പെടുത്തി. സിവില് എക്സൈസ് ഓഫീസര്മാരായ ഷാജി അളോക്കന്, സുനീഷ് കെ. ജലീഷ്. പി. പ്രനില് കുമാര് എന്നിവര് പരിശോധനയില് പങ്കെടുത്തു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു