തളിപ്പറമ്ബ്: ആരുപറഞ്ഞാലും കേരളത്തില്‍ പൗരത്വ നിയമ ഭേദഗതി നടപ്പിലാക്കില്ലെന്ന് മുഖ്യമന്ത്രി പിണറായി വിജയന്‍. തളിപ്പറമ്ബ് നിയോജക മണ്ഡലം എല്‍ഡിഎഫ് സ്ഥാനര്‍ഥി എം.വി. ഗോവിന്ദന്‍റെ തെരഞ്ഞെടുപ്പ് റാലി ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. പൗരത്വ ഭേദഗതി നിയമം നടപ്പാക്കില്ലെന്ന് സര്‍ക്കാര്‍ നേരത്തേ തന്നെ പ്രഖ്യാപിച്ചതാണ്.
എന്നാല്‍ കേന്ദ്ര ആഭ്യന്തരമന്ത്രി അമിത് ഷാ പറയുന്നു നിയമം നടപ്പാക്കുമെന്ന്. കേരളത്തില്‍ നടപ്പാക്കില്ലെന്ന് പറഞ്ഞാല്‍ നടപ്പാക്കില്ല. ഇക്കാര്യത്തില്‍ ആര്‍ക്കും ഒരു സംശയവും വേണ്ടെന്നും മുഖ്യമന്ത്രി വ്യക്തമാക്കി.തെരഞ്ഞെടുപ്പ് കമ്മിറ്റി ചെയര്‍മാന്‍ വേലിക്കാത്ത് രാഘവന്‍ അധ്യക്ഷത വഹിച്ചു.
ജെയിംസ് മാത്യു എംഎല്‍എ, സിപിഐ സംസ്ഥാന എക്‌സിക്യുട്ടിവ് അംഗം സി.എന്‍. ചന്ദ്രന്‍ , എന്‍സിപി സംസ്ഥാന സെക്രട്ടറി കെ.കെ.രാജന്‍, കോണ്‍ഗ്രസ്-എസ് സംസ്ഥാന നിര്‍വാഹക സമിതി അംഗം കെ.സി. സോമന്‍ നമ്ബ്യാര്‍, യുവജനതാദള്‍ സംസ്ഥാന പ്രസിഡന്‍റ് കെ.പി.പ്രശാന്തന്‍, ജനതാദള്‍-എസ് ജില്ലാ പ്രസിഡന്‍റ് പി.പി.ദിവാകരന്‍, ഐഎന്‍എല്‍ തളിപ്പറമ്ബ് നിയോജക മണ്ഡലം സെക്രട്ടറി നാസര്‍ കുറുമാത്തൂര്‍, ആര്‍എസ്പി (ലെനിനിസ്റ്റ് ) ജില്ലാ സെക്രട്ടറി സി.വത്സന്‍ മാസ്റ്റര്‍, തളിപ്പറമ്ബ് നഗരസഭ മുന്‍ സെക്രട്ടറി ടി.ടി. മാധവന്‍, സ്ഥാനാര്‍ഥി എം.വി. ഗോവിന്ദന്‍ മാസ്റ്റര്‍ എന്നിവര്‍ പ്രസംഗിച്ചു.
കെ.സന്തോഷ്, എം.വി.ജയരാജന്‍, വി.വി.കണ്ണന്‍, കെ.വി.ഗോപിനാഥന്‍, പി.എ.ഇസ്മയില്‍, പി.മുകുന്ദന്‍, പി.കെ.ശ്യാമള ടീച്ചര്‍, പി.എന്‍. മധുസൂദനന്‍ , ടി.എസ്. ജെയിംസ്, മുയ്യം ഗോപി , പി.പി.വിനോദ് കുമാര്‍, മീത്തല്‍ കരുണാകരന്‍ തുടങ്ങിയവര്‍ പങ്കെടുത്തു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു