കല്പ്പറ്റ: നിയമസഭാ തെരഞ്ഞെടുപ്പിന് ഉപയോഗിക്കുന്ന ഇലക്ട്രോണിക് വോട്ടിംഗ് യന്ത്രങ്ങളുടെ കമ്മീഷനിംഗ് ജില്ലയിലെ മൂന്ന് വിതരണ കേന്ദ്രങ്ങളില് ആരംഭിച്ചു. ഓരോ നിയോജകമണ്ഡലത്തിലെയും സ്ഥാനാര്ഥികളുടെ പേരും ഫോട്ടോയും ചിഹ്നവും അടങ്ങിയ ബാലറ്റ് ലേബല് വോട്ടിംഗ് യന്ത്രങ്ങളില് പതിപ്പിക്കുന്ന പ്രക്രിയയാണിത്. കല്പ്പറ്റ എസ്കെഎംജെ സ്കൂള്, മാനന്തവാടി മേരിമാതാ ആര്ട്സ് കോളജ്, ബത്തേരി സെന്റ് മേരീസ് കോളജ് എന്നിവിടങ്ങിലെ സ്ട്രോംഗ് റൂമുകളില് സൂക്ഷിച്ചിരിക്കുന്ന വോട്ടിംഗ് യന്ത്രങ്ങളാണ് അതത് വരണാധികാരികളുടെ നേതൃത്വത്തില് പുറത്തെടുത്ത് വോട്ടെടുപ്പിനായി സജ്ജമാക്കുന്നത്.ജില്ലാ തെരഞ്ഞെടുപ്പ് ഓഫീസറായ കളക്ടര് ഡോ.അദീല അബ്ദുള്ളയുടെ മേല്നോട്ടത്തില് മാനന്തവാടി നിയയോജകമണ്ഡലം വരണാധികാരി സബ്കളക്ടര് വികല്പ് ഭരദ്വാജ്, ബത്തേരി മണ്ഡലം വരണാധികാരി ഡെപ്യൂട്ടി കളക്ടര് (എല്എ) മുഹമ്മദ് റഫീഖ്, കല്പ്പറ്റ മണ്ഡലം വരണാധികാരി ഡെപ്യൂട്ടി കളക്ടര് (എല്ആര്) ഷാമിന് സെബാസ്റ്റ്യന് എന്നിവര് കമ്മീഷനിംഗിനു അതത് കേന്ദ്രങ്ങളില് നേതൃത്വം നല്കി.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു