പേരാവൂര്‍: വീടു കേന്ദ്രീകരിച്ചുള്ള ചാരായ നിര്‍മാണം നടത്തിയ ആള്‍ അറസ്റ്റില്‍. തിരുവോണപ്പുറം സ്വദേശി സി. രവീന്ദ്രന്‍ (55) ആണ് അറസ്റ്റിലായത്. രഹസ്യ വിവരത്തെ തുടര്‍ന്ന് എക്സൈസ് സംഘം നടത്തിയ റെയ്ഡില്‍ വീട്ടില്‍ നിന്നും 120 ലിറ്റര്‍ വാഷും 10 ലിറ്റര്‍ ചാരായവും വാറ്റുപകാരങ്ങളും പിടിച്ചെടുത്തു. കണ്ണൂര്‍ എക്സൈസ് ഇന്‍റലിജന്‍സ് ബ്യൂറോയ്ക്ക് ലഭിച്ച രഹസ്യ വിവരത്തെ തുടര്‍ന്ന് കഴിഞ്ഞ കുറച്ച്‌ ദിവസങ്ങളായി ഇയാള്‍ എക്‌സൈസിന്‍റെ നിരീക്ഷണത്തിലായിരുന്നു. എക്സൈസ് പ്രിവന്റീവ് ഓഫീസര്‍ എന്‍ പത്മരാജന്‍റെ നേതൃത്വത്തിലായിരുന്നു റെയ്ഡ്റെയ്‌ഡില്‍ പ്രിവന്റീവ് ഓഫീസര്‍ കെ ഉമ്മര്‍, ഐബി പ്രിവനന്‍റീവ് ഓഫീസര്‍ ഒ. നിസാര്‍, സിവില്‍ എക്സൈസ് ഓഫീസര്‍മാരായ വി.എന്‍. സതീഷ് , സി.പി. ഷാജി , കെ. ശ്രീജിത്ത്‌, എം.ഉത്തമന്‍, വനിത സിവില്‍ എക്സൈസ് ഓഫീസര്‍ കെ. കെ. അമൃത എന്നിവര്‍ പങ്കെടുത്തു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു