തളിപ്പറമ്ബ്: തളിപ്പറമ്ബ് മെയിന്‍ റോഡില്‍ വസ്ത്ര വ്യാപാര സ്ഥാപനത്തിന് തീപിടിച്ച്‌ ലക്ഷങ്ങളുടെ നഷ്ടം. കുറ്റിക്കോല്‍ സ്വദേശി ബി. ഷബീര്‍ എന്നയാളുടെ വി-ടെക്‌സ് എന്ന സ്ഥാപനത്തിലാണ് തീപിടിത്തമുണ്ടായത്.
ഇന്നലെ പുലര്‍ച്ചെ അഞ്ചോടെയാണ് തീപിടിത്തം ശ്രദ്ധയില്‍പെട്ടത്. സമീപത്തെ മാലിന്യക്കൂന്പാരത്തിന് ആരോ തീയിട്ടതിനെത്തുടര്‍ന്ന് തീ കടയിലേക്ക് പടരുകയായിരുന്നു. ഏകദേശം 15 ലക്ഷം രൂപയുടെ നഷ്ടം കണക്കാക്കുന്നു.
വിഷുവിനോടനുബന്ധിച്ച്‌ എത്തിച്ച പുതിയ സ്റ്റോക്കുകള്‍ ഉള്‍പ്പെടെയുള്ളവ കത്തി നശിച്ചു.കടയിലെ മറ്റ് തുണിത്തരങ്ങളും ഉപയോഗശൂന്യമായി. തീപിടിത്തത്തിനു പിന്നാലെ കെഎസ്‌ഇബി ഉദ്യോഗസ്ഥര്‍ വന്ന് വൈദ്യുതിബന്ധം വിച്ഛേദിച്ചതിനാല്‍ കൂടുതല്‍ അപകടം സംഭവിച്ചില്ല.
തീ സമീപത്തെ കടകളിലേക്ക് പടരുന്നതിനു മുന്പ് അഗ്നിശമന സേനയെത്തി വെള്ളം ചീറ്റിച്ച്‌ തീ കെടുത്തുകയായിരുന്നു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു