മുംബൈ: മുന് മുംബൈ പൊലീസ് കമ്മീഷണര് പരംബീര് സിംഗ് മുഖ്യമന്ത്രി ഉദ്ധവ് താക്കറെയ്ക്ക് അയച്ച കത്ത് വിവാദമായ സംഭവത്തില് മഹാരാഷ്ട്ര ആഭ്യന്തരമന്ത്രി അനില് ദേശ്മുഖ് രാജി വച്ചേക്കും. ഉപമുഖ്യമന്ത്രി അജിത് പവാറും ജയന്ത് പാട്ടീലും ഇന്ന് എന്സിപി ദേശീയ അധ്യക്ഷന് ശരദ് പവാറിനെ കാണും.മുഖ്യമന്ത്രി ഉദ്ധവ് താക്കറെയും ശരദ് പവാറും ഇന്ന് വൈകുന്നേരം കൂടിക്കാഴ്ച നടത്തും. കൂടാതെ, പ്രതിപക്ഷമായ ബിജെപിയും അനില് ദേശ്മുഖിന്റെ രാജി ആവശ്യപ്പെട്ടിരുന്നു.
മുകേഷ് അംബാനിയുടെ വസതിക്ക് മുന്പില് സ്ഫോടക വസ്തു നിറച്ച വാഹനം കണ്ടെത്തിയ സംഭവവുമായി ബന്ധപ്പെട്ടാണ് പരംബീര് സിംഗിനെ സ്ഥാനത്ത് നിന്നും മാറ്റുന്നത്. തുടര്ന്നാണ് പരംബീര് ആഭ്യന്തരമന്ത്രിക്കെതിരെ ഗുരുതര ആരോപണവുമായി രംഗത്തെത്തിയത്.
കേസില് സസ്പെന്ഷനിലായ ക്രൈംബ്രാഞ്ച് ഇന്സ്പെക്ടര് സച്ചിന് വാസയെ ഉപയോഗിച്ച് മുംബൈയിലെ ഭക്ഷണശാലകള്, ബാറുകള് തുടങ്ങിയ സ്ഥാപനങ്ങളില് നിന്നായി എല്ലാ മാസവും 100 കോടി രൂപ കൈക്കലാക്കാന് അദ്ദേഹം ശ്രമിച്ചുവെന്നാണ് കത്തിലുള്ളത്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു