മട്ടാഞ്ചേരി: കെ.എസ്.ഇ.ബി ജീവനക്കാര് ഫിലമെന്റ് രഹിത കേരളം പദ്ധതിയുടെ ഭാഗമായി എല്.ഇ.ഡി ബള്ബ് വിതരണത്തിന് ഇറങ്ങിയതോടെ സേവനങ്ങള് ലഭിക്കാതെ ഉപഭോക്താക്കള് ദുരിതത്തില്. മട്ടാഞ്ചേരി ഡിവിഷനിലാണ് ലൈന്മാന്മാരും വര്ക്കര്മാരും വീടുവീടാന്തരം കയറി ബള്ബ് വിതരണം ചെയ്യുന്നത്. ഇതുമൂലം പുതിയ കണക്ഷന് നല്കലും മീറ്റര് മാറ്റലും അടക്കം അത്യാവശ്യ സേവനങ്ങള് തടസ്സപ്പെടുകയാണ്.
പതിനായിരക്കണക്കിന് ഉപഭോക്താക്കളാണ് ബള്ബിനായി ഡിവിഷന് കീഴില് രജിസ്റ്റര് ചെയ്തിരിക്കുന്നത്.ന്നാല്, വീടുകളില് വിതരണത്തിന് എത്തുമ്ബോള് ഭൂരിഭാഗം പേരും ബള്ബ് വാങ്ങാന് വിസമ്മതിക്കുകയാണ്. തങ്ങള് അറിയാതെയാണ് പദ്ധതിയില് രജിസ്്റ്റര് ചെയ്തതെന്ന് ഇവര് പറയുന്നു. ഉപഭോക്താക്കളുടെ സമ്മതമില്ലാതെ ഉദ്യോഗസ്ഥര് തന്നെ രജിസ്്റ്റര് ചെയ്യുകയായിരുന്നുവെന്ന് പരാതിയുണ്ട്.
വളരെക്കുറച്ച് വീടുകളില് മാത്രമേ ഇതുവരെ ബള്ബ് വിതരണം നടത്താനായിട്ടുള്ളൂ. മറ്റെല്ലാ ജോലികളും നിര്ത്തിവെച്ച് ഈമാസം 31വരെ ബള്ബ് വിതരണത്തിന് ഇറങ്ങാനാണ് ഉന്നത ഉദ്യോഗസ്ഥരുടെ നിര്ദേശമെന്നാണ് അറിയുന്നത്.
തെരഞ്ഞെടുപ്പിന് മുമ്ബ് പരമാവധി വീടുകളില് ബള്ബ് എത്തിക്കുകയും അത് പ്രചാരണ വിഷയമാക്കുകയുമാണ് ലക്ഷ്യമെന്നും ആക്ഷേപമുണ്ട്. ഇത് ജീവനക്കാര്ക്കിടയിലും അമര്ഷത്തിന് കാരണമായിട്ടുണ്ട്
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു