കണ്ണൂര്: നിയമസഭാ തെരഞ്ഞെടുപ്പിലേക്കായി ജില്ലയില് ഇന്നലെ സമര്പ്പിച്ചത് 15 പത്രികകള്. മട്ടന്നൂര്, കണ്ണൂര്, ഇരിക്കൂര്, അഴീക്കോട്, തളിപ്പറമ്ബ് നിയോജക മണ്ഡലങ്ങളില് ഒന്ന് വീതവും, തലശേരി, കല്യാശേരി മണ്ഡലങ്ങളില് രണ്ട് വീതവും, പയ്യന്നൂര്, പേരാവൂര് മണ്ഡലങ്ങളില് മൂന്ന് വീതവും പേരാണ് പത്രിക നല്കിയത്. മട്ടന്നൂര് മണ്ഡലത്തില് കെ.കെ. ശൈലജ (എല്ഡിഎഫ്), കണ്ണൂര് മണ്ഡലത്തില് സതീശന് പാച്ചേനി (യുഡിഎഫ്), ഇരിക്കൂര് മണ്ഡലത്തില് സജി കുറ്റ്യാനിമറ്റം(എല്ഡിഎഫ്), അഴീക്കോട് മണ്ഡലത്തില് കെ.വി.സുമേഷ് (എല്ഡിഎഫ്), തളിപ്പറമ്ബ് മണ്ഡലത്തില് എം.വി. ഗോവിന്ദന് (എല്ഡിഎഫ്), കല്യാശേരിയില് എം. വിജിന്(എല്ഡിഎഫ്), പുത്തന്പുരയില് ദാമോദരന് (എല്ഡിഎഫ്), തലശേരിയില് എ.എന്. ഷംസീര്(എല്ഡിഎഫ്), എം.സി. പവിത്രന്(എല്ഡിഎഫ്), പയ്യന്നൂര് മണ്ഡലത്തില് ടി.ഐ. മധുസൂദനന്(എല്ഡിഎഫ്), സി. സത്യപാലന് (എല്ഡിഎഫ്), എം. പ്രദീപ്കുമാര്(യുഡിഎഫ്), പേരാവൂര് മണ്ഡലത്തില് സക്കീര് ഹുസൈന് (എല്ഡിഎഫ്), കെ. ശ്രീധരന് (എല്ഡിഎഫ്), നാരായണകുമാര് (സ്വത) എന്നിവരാണ് നാമനിര്ദേശ പത്രിക സമര്പ്പിച്ചത്. കഴിഞ്ഞ ദിവസങ്ങളില് ലഭിച്ച നാല് പത്രികകളുള്പ്പെടെ 19 പത്രികകളാണ് ജില്ലയില് ഇതുവരെ ലഭിച്ചത്.
കെ.കെ. ശൈലജ
കണ്ണൂര്: ആരോഗ്യമന്ത്രി കെ.കെ. ശൈലജ ഇന്നലെ രാവിലെ 11.30 ഓടെ പത്രിക സമര്പ്പിച്ചു. മട്ടന്നൂര് നിയോജകണ്ഡലം വരണാധികാരിയും ദാരിദ്ര്യ നിര്മാര്ജന യൂണിറ്റ് ഡെപ്യൂട്ടി ഡെവലപ്മെന്റ് കമ്മീഷണറുമായ റ്റൈനി സൂസന് ജോണ് മുന്പാകെയാണ് പത്രിക സമര്പ്പിച്ചത്.
രണ്ട് സെറ്റ് പത്രികയാണ് ശൈലജ സമര്പ്പിച്ചത്. മട്ടന്നൂര് ചെയര്പേഴ്സണ് പി. അനിത, ഇ. ജയപ്രകാശ് എന്നിവര് നിര്ദേശിച്ചു. എല്ഡിഎഫ് നേതാക്കളായ പി. പുരുഷോത്തമന്, വി.കെ. സുരേഷ്ബാബു, എന്.വി. ചന്ദ്രബാബു, കെ.എം. വിജയന്, എ.കെ. ദിലീപ്, സി. കൃഷ്ണന് എന്നിവര്ക്കൊപ്പമെത്തിയാണ് മന്ത്രി പത്രിക സമര്പ്പിച്ചത്.
സതീശന് പാച്ചേനി
കണ്ണൂര്: കണ്ണൂര് നിയോജക മണ്ഡലം യുഡിഎഫ് സ്ഥാനാര്ഥിയായി മത്സരിക്കുന്ന ഡിസിസി പ്രസിഡന്റ് സതീശന് പാച്ചേനി നാമനിര്ദേശ പത്രിക സമര്പ്പിച്ചു. വരണാധികാരിയായ ഡപ്യൂട്ടി കളക്ടര് (ആര് ആര്) കെ.കെ. മനോജ് മുമ്ബാകെ രണ്ട് സെറ്റ് പത്രികയാണ് നല്കിയത്. സതീശന് പാച്ചേനിയോടൊപ്പം കെപിസിസി വര്ക്കിംഗ് പ്രസിഡന്റ് കെ സുധാകരന്, മുസ് ലിം ലീഗ് സംസ്ഥാന വൈസ് പ്രസിഡന്റ് വി. കെ. അബ്ദുള് ഖാദര് മൗലവിയൊടൊപ്പമാണ് സതീശന് പാച്ചേനി പത്രിക സമര്പ്പിക്കാനെത്തിയത്. ഇന്നലെ കാലത്ത് കണ്ണൂര് ശ്രീസുന്ദരേശ്വര ക്ഷേത്രം, കണ്ണൂര് സിറ്റി അരട്ടക്കപ്പള്ളി മഖാം, സിറ്റി ജുമാ മസ്ജിദിലെ ഇ. അഹമ്മദിന്റെ കബറിടം, സിറ്റി സയ്യിദ് മുഹമ്മദ് മൗല മഖാം എന്നിവിടങ്ങളില് സന്ദര്ശിച്ച ശേഷമാണ് പത്രിക സമര്പ്പിച്ചത്.
എം.വി. ഗോവിന്ദന്
കണ്ണൂര്: സിപിഎം കേന്ദ്രകമ്മിറ്റിയംഗം എം.വി. ഗോവിന്ദന് തളിപ്പറന്പ് നിയോജകമണ്ഡലത്തില് പത്രിക സമര്പ്പിച്ചു. ഇന്നു രാവിലെ തളിപ്പറന്പ് നിയോജകമണ്ഡലം വരണാധികാരി ജില്ലാ വ്യവസായ കേന്ദ്രം ജനറല് മാനേജര് പി.എന്. അനില്കുമാര് മുന്പാകെയാണ് പത്രിക സമര്പ്പിച്ചത്. ഇന്നലെ രണ്ട് സെറ്റ് പത്രികയാണ് അദ്ദേഹം സമര്പ്പിച്ചത്. നേതാക്കളായ പി. മുകുന്ദന്, കെ. ദാോദരന് എന്നിവര് നിര്ദേശിച്ചു. എല്ഡിഎഫ് നേതാക്കളായ ജയിംസ് മാത്യു എംഎല്എ, വേലിക്കാത്ത് രാഘവന്, കെ. സന്തോഷ്, ബിജു കണ്ടങ്കൈ എന്നീ നേതാക്കളോടൊപ്പമെത്തിയാണ് പത്രിക സമര്പ്പിച്ചത്.
കെ.വി. സുമേഷ്
കണ്ണൂര്: അഴീക്കോട് മണ്ഡലം എല്ഡിഎഫ് സ്ഥാനാര്ഥി കെ.വി. സുമേഷ് പത്രിക സമര്പ്പിച്ചു. അഴീക്കോട് നിയോജകമണ്ഡലം വരണാധികാരിയും ജില്ലാ പട്ടികജാതി വികസന ഓഫീസറുമായ കെ.വി. രവിരാജിന് മുന്പാകെയാണ് പത്രിക സമര്പ്പിച്ചത്. സിപിഎം ജില്ലാ സെക്രട്ടറിയറ്റ് അംഗം എം. പ്രകാശന്, മണ്ഡലം തെരഞ്ഞെടുപ്പു കമ്മിറ്റി ചെയര്മാന് പി. ചന്ദ്രന്, വയക്കാടി ബാലകൃഷ്ണന്, കെ.പി. ജയപാലന്, ഇ.പി. ബാലന് എന്നിവരും സുമേഷിന്റെ കൂടെ ഉണ്ടായിരുന്നു.
എം. വിജിന്
കണ്ണൂര്: കല്യാശേരി നിയോജകമണ്ഡലം എല്ഡിഎഫ് സ്ഥാനാര്ഥി എം. വിജിന് പത്രിക സമര്പ്പിച്ചു. ഇന്നലെ രാവിലെ കല്യാശേരി മണ്ഡലം വരണാധികാരി ജില്ലാ സപ്ലൈ ഓഫീസര് കെ. മനോജ് മുന്പാകെയാണ് പത്രിക സമര്പ്പിച്ചത്. എം.വി. രാജീവന്, സുമേഷ് എന്നിവര് നിര്ദേശിച്ചു. രണ്ട് സെറ്റ് പത്രികയാണ് ഇന്നലെ സമര്പ്പിച്ചത്. നേതാക്കളായ ടി.വി. രാജേഷ് എംഎല്എ, പി.പി. ദാമോദരന്, താവം ബാലകൃഷ്ണന് എന്നിവര്ക്കൊപ്പമെത്തിയാണ് പത്രികാ സമര്പ്പണം നടത്തിയത്.
സജി കുറ്റ്യാനിമറ്റം
ശ്രീകണ്ഠപുരം: ഇരിക്കൂര് നിയോജക മണ്ഡലം എല്ഡിഎഫ് സ്ഥാനാര്ഥി സജി കുറ്റ്യാനിമറ്റം നാമനിര്ദേശ പത്രിക സമര്പ്പിച്ചു. ഉപവരണാധികാരി ഇരിക്കൂര് ബ്ലോക്ക് ഡവലപ്മെന്റ് ഓഫീസര് ആര്. അബു മുന്പാകെയാണ് പത്രിക നല്കിയത്. എല്ഡിഎഫ് നേതാക്കളായ പി.ടി. ജോസ്, പി.വി. ഗോപിനാഥ് എന്നിവര് ഒപ്പമുണ്ടായിരുന്നു.
എല്ഡിഎഫ് പ്രവര്ത്തകരോടൊപ്പം ഇരിക്കൂറില് റോഡ് ഷോ നടത്തിയാണ് സജി കുറ്റ്യാനിമറ്റം പത്രികാ സമര്പ്പണത്തിനെത്തിയത്. ബാന്ഡ് സംഘത്തിന്റെ അകമ്ബടിയോടെ നടത്തിയ റോഡ് ഷോ ഇരിക്കൂര് പഴയ പാലത്തിന് സമീപത്ത് നിന്ന് ആരംഭിച്ച് ബസ്റ്റാന്ഡ് പരിസരത്ത് സമാപിച്ചു. നേതാക്കളായ ടി.കെ. ഗോവിന്ദന്, ജോയ് കൊന്നക്കല്, പി.കെ. മധുസൂദനന്, മടവൂര് അബ്ദുള് ഖാദര് എന്നിവര് റോഡ് ഷോയ്ക് നേതൃത്വം നല്കി. നാമനിര്ദേശ പത്രിക നല്കി പുറത്തിറങ്ങിയ സജി കുറ്റ്യാനിമറ്റത്തെ സിപിഎം കേന്ദ്രകമ്മിറ്റിയംഗം ഇ.പി. ജയരാജന്, ജില്ലാ സെക്രട്ടറി എം.വി. ജയരാജന്, സിഐടിയു സംസ്ഥാന സെക്രട്ടറി കെ.പി. സഹദേവന് എന്നിവര് ചേര്ന്ന് സ്വീകരിച്ചു.ഒരു സെറ്റ് പത്രികയാണ് സമര്പ്പിച്ചത്. സിപിഎം ജില്ലാ സെക്രട്ടേറിയറ്റ് അംഗം പി.വി. ഗോപിനാഥ് നിദേര്ശിച്ചു. 19 ന് രണ്ട് സെറ്റ് പത്രിക കൂടി നല്കും.
എ.എന് ഷംസീര്
തലശേരി:എല്ഡിഎഫ് തലശേരി മണ്ഡലം സ്ഥാനാര്ഥി എ.എന്. ഷംസീര് പത്രിക സമര്പ്പിച്ചു. റിട്ടേണിംഗ് ഓഫീസറായ സബ് കളക്ടര് അനുകുമാരി മുന്പാകെയാണ് ഇന്നലെ രാവിലെ 11 ഓടെ പത്രിക സമര്പ്പിച്ചത്.എല്ഡിഎഫ് തെരഞ്ഞെടുപ്പ് കമ്മിറ്റി ഓഫീസില് നിന്ന് നേതാക്കള്ക്കൊപ്പമെത്തിയാണ് പത്രിക സമര്പ്പിച്ചത്. രണ്ട് സെറ്റ് പത്രികയാണ് സമര്പ്പിച്ചത്. ഇടത് നേതാക്കളായ എം. സുരേന്ദ്രന്, സി.പി. ഷൈജന്, എം.സി. പവിത്രന്, എം. ബാലന്, കെ.കെ. ജയപ്രകാശ് എന്നിവരും ഒപ്പമുണ്ടായിരുന്നു. ഡമ്മി സ്ഥാനാര്ഥിയായി സിപിഎം ഏരിയസെക്രട്ടറി എം.സി. പവിത്രനും പത്രിക നല്കി.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു