മോഹന്ലാല് ആദ്യമായി സംവിധാനം ചെയ്യുന്ന ബറോസിന്റെ പ്രൊഡക്ഷന് വര്ക്കുകള് ആരംഭിച്ചു. സിനിമയുടെ ചിത്രീകരണം മാര്ച്ചില് ആരംഭിക്കും. സിനിമയുടെ ആര്ട് വര്ക്കുകള് തുടങ്ങിയതായി സിനിമയുടെ പ്രൊഡക്ഷന് ഡിസൈനര് സന്തോഷ് രാമന് അറിയിച്ചു.
മോഹന്ലാല് തന്നെയാണ് സിനിമയില് പ്രധാനകഥാപാത്രമായ ബറോസ് എന്ന ഭൂതത്തെ അവതരിപ്പിക്കുന്നത് . സന്തോഷ് ശിവനാണ് ഛായാഗ്രാഹകന്. ഇന്ത്യയിലെ ആദ്യ ത്രീഡി ചിത്രമായിരുന്ന ‘മൈ ഡിയര് കുട്ടിച്ചാത്തന്’ സംവിധാനം ചെയ്ത ജിജോയുടെ കഥയെ ആസ്പദമാക്കിയാണ് മോഹന്ലാല് സിനിമയൊരുക്കുന്നത്. പൃഥ്വിരാജും ചിത്രത്തില് ഒരു പ്രധാന കഥാപാത്രമായി എത്തുന്നുണ്ടെന്ന് റിപ്പോര്ട്ട് ഉണ്ട്.
ഗോവയിലാണ് സിനിമയുടെ പ്രധാന ലൊക്കേഷന്. ഗാര്ഡിയന് ഓഫ് ഡി ഗാമാസ് ട്രഷര് എന്നാണ് സിനിമയുടെ ടാഗ് ലൈന്. ഇന്ത്യയ്ക്കും ആഫ്രിക്കയ്ക്കും പോര്ച്ചുഗീസിനും ഇടയില് നിലനിന്നിരുന്ന കടല് മാര്ഗമുള്ള വ്യാപാരവും ബന്ധവും സിനിമയുടെ ഇതിവൃത്തമാകും.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു