ഗ്രന്ഥാലയത്തിൽ പ്രിസം എന്ന പ്രസാധക യൂണിറ്റും പ്രവർത്തിക്കുന്നു. വർഗീസ് ജോർജിന്റെയും കെ പി എ റഹിമിന്റെയും ഉൾപ്പെടെ 11 പുസ്തകങ്ങൾ പ്രസിദ്ധീകരിച്ചു. കാലിക പ്രസക്തമായ വിഷയങ്ങളിൽ സംവാദങ്ങളും പുസ്തക ചർച്ചയും നടക്കുന്നു. ചലച്ചിത്ര ക്ലബ്‌, വയോജന, വനിത, യുവജന, ബാലവേദികളും മികച്ച രീതിയിൽ പ്രവർത്തിക്കുന്നു.
വായനയുടെ പുതുലോകം സൃഷ്‌ടിച്ച ഈ വായനശാല സുവർണ ജൂബിലിയിലേക്ക്‌ ചുവടുവയ്‌ക്കുകയാണ്‌. 1973ൽ സോഷ്യലിസ്റ്റ് നേതാവ് അരങ്ങിൽ ശ്രീധരനാണ് ഗ്രന്ഥാലയത്തിന് ശിലയിട്ടത്‌. 1976 നവംബറിൽ നിർമാണം പൂർത്തീകരിച്ച്‌ എ കെ ആന്റണിയാണ്‌ ഉദ്ഘാടനംചെയ്തത്. പി.ആർ. കുറുപ്പിന്റെ ഷഷ്ടിപൂർത്തി ആഘോഷത്തോടനുബന്ധിച്ചാണ് ഗ്രന്ഥാലയത്തിന്റെ പ്രാരംഭ പ്രവർത്തനമാരംഭിച്ചത്. ഗ്രന്ഥശാലാ പ്രവർത്തകനായ ഐ.വി. ദാസിന്റെ പിന്തുണയും ലൈബ്രറിക്ക്‌ ലഭിച്ചു.
2016ൽ ലൈബ്രറി കൗൺസിലിന്റെ എ-പ്ലസ് അംഗീകാരം ലഭിച്ചു. പതിനാലായിരത്തോളം പുസ്തകം ഗ്രന്ഥാലയത്തിലുണ്ട്. മണ്ഡലം കേന്ദ്രീകരിച്ചായിരുന്നു പ്രവർത്തനം നിജപ്പെടുത്തിയത്. കെ.പി. മോഹനൻ എം.എൽ.എ പ്രസിഡന്റും ജില്ലാ ലൈബ്രറി കൗൺസിലംഗം കെ.കുമാരൻ സെക്രട്ടറിയുമായ കമ്മിറ്റിയാണ് നിലവിലുള്ളത്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു