തിരുവനന്തപുരത്താണ് ഏറ്റവുമധികം അതിക്രമമുണ്ടായത് (164). ഏറ്റവും കുറവ് കണ്ണൂരിൽ (26). അട്ടപ്പാടിയിൽ ആൾക്കൂട്ട മർദ്ദനത്തിന് ഇരയായി കൊല്ലപ്പെട്ട മധുവും ആൾക്കൂട്ട വിചാരണ നേരിട്ട് പിന്നീട് തൂങ്ങിമരിച്ചനിലയിൽ കണ്ടെത്തിയ വയനാട്ടുകാരൻ വിശ്വനാഥനും തീരാനോവാകുമ്പോഴാണ് കേസുകളിലെ വർധന ഭയപ്പെടുത്തുന്നത്.
2011-ലെ കാനേഷുമാരി കണക്ക് പ്രകാരം സംസ്ഥാനത്തെ പട്ടികജാതി ജനസംഖ്യ 30,39,573 ആണ്. ഇത് സംസ്ഥാനത്തെ ആകെ ജനസംഖ്യയുടെ 9.1 ശതമാനം വരും. പട്ടികവർഗക്കാരുടെ ജനസംഖ്യ 4,84,839 ആണ്. ഇത് സംസ്ഥാന ജനസംഖ്യയുടെ 1.45 ശതമാനമാണ്. ഇത്രയും ചെറിയ ജനവിഭാഗത്തിനെതിരേയാണ് അതിക്രമങ്ങൾ കൂടുന്നത് എന്നതാണ് ഞെട്ടിപ്പിക്കുന്ന കാര്യം.
ഓരോ ജില്ലയിലും റിപ്പോർട്ട് ചെയ്ത കേസുകളുടെ എണ്ണം
കൊല്ലം 141
എറണാകുളം 125
തൃശൂർ 121
പാലക്കാട് 119
കോഴിക്കോട് 98
ഇടുക്കി 90
മലപ്പുറം 84
ആലപ്പുഴ 79
കോട്ടയം 72
പത്തനംതിട്ട 56
വയനാട് 51
കാസർകോട് 31
വിഭാഗം 2016 2017 2018 2019 2020 2021 2022
പട്ടികജാതി 810 916 887 858 846 948 1,082
പട്ടികവർഗം 182 144 138 140 130 133 175
ആകെ കേസുകൾ 992 1060 1025 998 976 1,081 1257
പീഡനകേസുകൾ 244.. കൊലപാതകങ്ങൾ 13...
2022-ൽ സംസ്ഥാനത്ത് പീഡനത്തിന് ഇരയായത് 244 പട്ടികജാതി, പട്ടികവർഗക്കാർ. തിരുവനന്തപുരത്താണ് ഏറ്റവുമധികം പീഡനക്കേസുകൾ റിപ്പോർട്ട് ചെയ്തത് (47).
13 കൊലപാതകക്കേസുകൾ കഴിഞ്ഞവർഷം റിപ്പോർട്ട് ചെയ്തു. ഗുരുതര അക്രമക്കേസുകൾ 104 എണ്ണവും മറ്റുവിഭാഗങ്ങളിലായി 872 കേസുകളും റിപ്പോർട്ട് ചെയ്തു. പട്ടികജാതി, പട്ടിക ഗോത്രവർഗങ്ങൾക്ക് എതിരായ അതിക്രമങ്ങൾ തടയൽ വകുപ്പ് (പി.ഒ.എ.) പ്രകാരം 24 കേസുകളും റിപ്പോർട്ട് ചെയ്തു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു