കണ്ണൂർ ഗവ. മെഡിക്കൽ കോളേജ് ബസ് സ്റ്റോപ്പിന് മുമ്പിൽ അപകടക്കുഴി

പരിയാരം : ദേശീയപാതയിൽ കണ്ണൂർ ഗവ. മെഡിക്കൽ കോളേജ് ബസ് സ്റ്റോപ്പിന് മുമ്പിൽ അപകടക്കുഴി. ശ്രീസ്ഥ റോഡ് ജങ്ഷനിലാണ് കാൽനടക്കാർക്കും വാഹനങ്ങൾക്കും ഭീഷണിയായ കുഴിയുള്ളത്. സ്വകാര്യ ടെലികോം കമ്പനി കേബിൾ പ്രവൃത്തിക്കായി കുഴിച്ചതാണിത്. എന്നാൽ മൂന്നാഴ്ച കഴിഞ്ഞിട്ടും മൂടാൻ നടപടിയായില്ല. ഏതാണ്ട് അഞ്ചടിയോളം താഴ്ചയിൽ കഴിയുണ്ട്. റോഡിലേക്ക് വ്യാപിച്ച് കിളച്ചിട്ടനിലയിലാണ്. കുഴി അടിയന്തരമായി മൂടി അപകടം ഒഴിവാക്കണമെന്ന് നാട്ടുകാർ ആവശ്യപ്പെടുന്നു.