കണിച്ചാർ - സെമിനാരിവില്ലയിൽ വീണ്ടും ഉരുൾപൊട്ടി

കണിച്ചാർ പഞ്ചായത്തിലെ സെമിനാരി വില്ലയിൽ വീണ്ടും ഉരുൾപൊട്ടി.   തിങ്കളാഴ്ച്ച വൈകുന്നേരത്തെ  ശക്തമായ മഴയെത്തുടർന്നാണ് സെമിനാരിവില്ലയിൽ വീണ്ടും  ഉരുൾപൊട്ടലുണ്ടായത്. ഒന്നരമാസത്തിനിടെ ഇത് ആറാമത് തവണയാണ് ഇവിടെ ഉരുൾ പൊട്ടൽ ഉണ്ടാകുന്നത് . മലവെള്ളപ്പാച്ചിലിൽ പ്രദേശത്തെ കൃഷിയിടങ്ങൾ നശിച്ചിട്ടുണ്ട്. ഉരുൾ പൊട്ടലിനെ തുടർന്ന് നെടുംപുറംചാൽ പ്രദേശങ്ങളിലെ തോടുകളും, പുഴകളും കരകവിഞ്ഞു. പുഴയോരവാസികൾക്ക് അധികൃതർ ജാഗ്രത നിർദ്ദേശം നൽകി.