തളിപ്പറമ്പ്: സ്കൂട്ടറിൽ കടത്തുകയായിരുന്ന രണ്ടുകിലോ കഞ്ചാവുമായി കഞ്ഞിമംഗലത്തെ പി.എസ്. ഷിയാസിനെ (39) റെയിഞ്ച് എക്സൈസ് ഇൻസ്പെക്ടർ അറസ്റ്റ് ചെയ്തു.
തളിപ്പറമ്പ് റെയിഞ്ചിലെ ഉത്തരമേഖല കമ്മിഷണർ സ്ക്വാഡഗങ്ങൾക്ക് ലഭിച്ച രഹസ്യവിവരത്തെത്തുടർന്ന് പരിയാരം ഗവ. വൊക്കേഷണൽ ഹയർ സെക്കൻഡറി സ്കൂളിന് സമീപം വെച്ചായിരുന്നു അറസ്റ്റ്.
ലോക്ഡൗൺ മറയാക്കി സ്കൂട്ടറിൽ കഞ്ചാവ് കടത്തുകയായിരുന്നു. തളിപ്പറമ്പ്, പരിയാരം, കുഞ്ഞിമംഗലം, കൊവ്വപ്പുറം എന്നീ സ്ഥലങ്ങളിൽ വില്പനയ്ക്കായി കഞ്ചാവ് എത്തിക്കുന്ന സംഘത്തിലെ മുഖ്യകണ്ണിയാണിയാളെന്നും അന്വേഷണ ഉദ്യോഗസ്ഥർ പറഞ്ഞു.
എക്സൈസ് ഇൻപെക്ടർ എം. ദിലിപ്, പ്രിവന്റീവ്‌ ഓഫിസർമാരായ ടി.വി. കമലാഷൻ, പി.കെ. ഗ്രേസ്, രാജീവൻ, പി.പി. മനോഹരൻ, സിവിൽ എക്സൈസ് ഓഫീസർമാരയ പി.പി. രജിരാഗ്, ഇ.എച്ച്. ഫെമിൻ എന്നിവർ ചേർന്നാണ് പ്രതിയെ പിടികൂടിയത്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു