ദമ്മാം: നഗരസഭ ഉദ്യോഗസ്ഥരെ ആക്രമിച്ച കേസില് നാലു സ്വദേശികള്ക്കെതിരെ കോടതിവിധി. ഒരു വര്ഷം തടവും പിഴയുമാണ് ശിക്ഷ. ജിദ്ദയിലെ ക്രിമിനല് കോടതിയാണ് ഒരു വര്ഷം നീണ്ട നിയമനടപടികള്ക്കൊടുവില് വിധി പ്രഖ്യാപിച്ചത്. ജിദ്ദയിലെ പെട്രോള്പമ്ബില് പരിശോധനയിലേര്പ്പെട്ട നഗരസഭ ഉദ്യോഗസ്ഥരെ നാലംഗ സംഘം ആക്രമിക്കുകയായിരുന്നു. ഉദ്യോഗസ്ഥരുടെ വാഹനങ്ങളും അടിച്ചുതകര്ത്തു.
വാഹനങ്ങളുടെ കേടുപാടുകള് തീര്ക്കാന് പിഴ ചുമത്തിയിട്ടുണ്ട്. പ്രവിശ്യയുടെ വിവിധ ഭാഗങ്ങളില് പരിശോധന നടത്താന് നിയോഗിച്ച പ്രത്യേക സംഘത്തിലെ ഉദ്യോഗസ്ഥരെയാണ് ആക്രമിച്ചത്.കഴിഞ്ഞ റമദാനില്, പഴയ മക്ക റോഡിലാണ് സംഭവം. കൃത്യനിര്വഹണം തടസ്സപ്പെടുത്താന്, വാഹനം തകര്ക്കല്, ഉദ്യോഗസ്ഥര്ക്കെതിരായ ആക്രമണം തുടങ്ങിയ വകുപ്പുകള് ചുമത്തിയാണ് കേസെടുത്തത്. തുടര്നടപടികള്ക്കായി സംഘത്തെ ബന്ധപ്പെട്ട വകുപ്പുകള്ക്ക് കൈമാറുമെന്ന് അധികൃതര് അറിയിച്ചു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു