കണ്ണൂര്‍: തെരഞ്ഞെടുപ്പ് ഡ്യൂട്ടിക്ക് ഹാജരാകാത്തത് ഗുരുതരമായ അച്ചടക്കലംഘനമാണെന്ന് ജില്ലാ തെരഞ്ഞെടുപ്പ് ഉദ്യോഗസ്ഥന്‍കൂടിയായ ജില്ലാകളക്‌ടര്‍ അറിയിച്ചു. നിയമസഭാ തെരഞ്ഞെടുപ്പുമായി ബന്ധപ്പെട്ട് തെരഞ്ഞെടുപ്പ് ഡ്യൂട്ടിക്ക് ഹാജരാകാത്ത ജീവനക്കാരുടെ നിരുത്തരവാദപരമായ പെരുമാറ്റം ജില്ലയിലെ തെരഞ്ഞെടുപ്പ് നടപടിക്രമങ്ങളെ സാരമായി ബാധിക്കുമെന്നും ഉത്തരവ് ലഭിച്ചിട്ടും ഹാജരാകാത്തവര്‍ മാധ്യമങ്ങളിലൂടെയുള്ള അറിയിപ്പു ലഭിച്ചിട്ടും ഡ്യൂട്ടിക്ക് ഹാജരാകാത്തത് ഗുരുതരമായ അച്ചടക്കലംഘനമാണെന്നും കളക്‌ടര്‍ ചൂണ്ടിക്കാട്ടി.മാര്‍ച്ച്‌ 26 മുതല്‍ 29 വരെ നടന്ന തെരഞ്ഞെടുപ്പ് പരിശീലനക്ലാസില്‍ പങ്കെടുക്കാന്‍ സാധിക്കാത്തവര്‍ നാളെ രാവിലെ 9.30 ന് ജില്ലാ പ്ലാനിംഗ് ഓഫീസ് ഹാളില്‍ നടക്കുന്ന പരിശീലനക്ലാസില്‍ നിര്‍ബന്ധമായും പങ്കെടുക്കണം. ഡ്യൂട്ടിക്ക് ഹാജരാകാന്‍ കഴിയാത്തതിന്‍റെ വിശദീകരണവും അന്നേദിവസം നല്‍കേണ്ടതാണെന്നും ഇത്തരം സമീപനം തുടര്‍ന്നാല്‍ 1951ലെ ജനപ്രാതിനിധ്യനിയമത്തിലെ 134- ാം വകുപ്പുകള്‍ പ്രകാരം അറസ്റ്റ് ഉള്‍പ്പെടെയുള്ള നടപടികള്‍ സ്വീകരിക്കുമെന്നും കളക്‌ടര്‍ അറിയിച്ചു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു