കൊച്ചി: ഉദ്ഘാടനം നടന്ന് നിമിഷങ്ങള്ക്കകം പാലാരിവട്ടം പാലത്തില് അപകടം. കാറിലേക്ക് ട്രക്ക് വന്ന് തട്ടിയാണ് അപകടമുണ്ടായത്. സംഭവത്തില് ആര്ക്കും പരുക്കേറ്റില്ല. വാഹനത്തിനും വലിയ പരുക്ക് പറ്റിയിട്ടില്ല.
പുതുക്കി പണിത പാലാരിവട്ടം പാലം ഇന്ന് വൈകീട്ട് 3.50നാണ് പൊതുജനങ്ങള്ക്കായി തുറന്നുനല്കിയത്. ഉദ്ഘാടനം നടന്ന് നിമിഷങ്ങള്ക്കകമാണ് അപകടം.
പാലാരിവട്ടം പാലം കുടി തുറന്ന് നല്കിയതോടെ കൊച്ചി നേരിട്ടുകൊണ്ടിരുന്ന വലിയ ഗതാഗത കുരുക്കാണ് അഴിഞ്ഞത്.
പാലം തുറന്ന് കൊടുക്കുന്നതിന് മുന്പായി മന്ത്രി ജി സുധാകരന് പാലം സന്ദര്ശിച്ചിരുന്നു. ഇതിന് പിന്നാലെയാണ് പാലം തുറന്ന് നല്കിയത്. മാതൃക പെരുമാറ്റച്ചട്ടം നിലനില്ക്കുന്നത് കൊണ്ട് പൊതുമരാമത്ത് മന്ത്രി ജി സുധാകരന് പകരം ചീഫ് എഞ്ചിനീയറാണ് പാലം തുറന്ന് നല്കിയത്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു