സതീശന്‍ പാച്ചേനി
കണ്ണൂര്‍: കണ്ണൂര്‍ നിയോജകമണ്ഡലം യുഡിഎഫ് സ്ഥാനാര്‍ഥി സതീശന്‍ പാച്ചേനി കണ്ണൂര്‍ വെസ്റ്റില്‍ പര്യടനം നടത്തി. ഇന്നലെ ഉച്ചകഴിഞ്ഞ് മൂന്നിന് തെഴുക്കിലെ പീടികയില്‍ യുഡിഎഫ് ജില്ലാ ചെയര്‍മാന്‍ പി.ടി. മാത്യു ഉദ്ഘാടനം ചെയ്തു. തുടര്‍ന്ന് ചൊവ്വ അമ്ബലം പരിസരം ഫോറസ്റ്റ് ഓഫീസ് പരിസരം, മാണിക്കകാവ് പരിസരം, ഹരിജന്‍ ഹോസ്റ്റല്‍ പരിസരം , ആനയിടുക്ക് , കസാനക്കോട്ട, പുതിയ ബസ് സ്റ്റാന്‍ഡ്, ഉപ്പാല വളപ്പ്, ബര്‍ണശേരി, മൂന്നാംപീടിക, കനിയില്‍ പാലം, സംഗീത തീയേറ്റര്‍ താളികാവ്, പാറക്കണ്ടി, തളാപ്പ് ഗാന്ധി സ്ക്വയര്‍, തെക്കി ബസാര്‍ തുടങ്ങിയ സ്ഥലങ്ങളിലെ പര്യടനത്തിന് ശേഷം താണയില്‍ സമാപിച്ചു.തെഴുക്കില്‍ പീടികയിലെ ഉദ്ഘാടന പരിപാടിയില്‍ കെ.പി. ഷഫീഖ് അധ്യക്ഷത വഹിച്ചു. നേതാക്കളായ മാര്‍ട്ടിന്‍ ജോര്‍ജ്, കെ പ്രമോദ്, കെ.പി. താഹിര്‍, ഷബീന, സുരേഷ് ബാബു എളയാവൂര്‍, സി.സമീര്‍, റിജില്‍ മാക്കുറ്റി, അഡ്വ. പി.ഇന്ദിര, സി.ടി. ഗിരിജ, രജനി രമാനന്ദ്, രാമചന്ദ്രന്‍, പി.മുഹമ്മദ് ഷമ്മാസ്, ഗിരീഷ് നവത്, അമര്‍നാഥ്‌, കെ. ബിനോജ് തുടങ്ങിയവര്‍ സംബന്ധിച്ചു.
രാമചന്ദ്രന്‍ കടന്നപ്പള്ളി
കണ്ണൂര്‍: കണ്ണൂര്‍ മണ്ഡലം എല്‍ഡിഎഫ് സ്ഥാനാര്‍ഥി രാമചന്ദ്രന്‍ കടന്നപ്പള്ളി ഇന്നലെ എടക്കാട്, എടക്കാട് നോര്‍ത്ത് മേഖലകള്‍ സന്ദര്‍ശിച്ചു. കണ്ണൂര്‍ ബിഷപ് ഡോ.അലക്‌സ് വടക്കുംതലയെ സന്ദര്‍ശിച്ചു. തുടര്‍ന്ന് തോട്ടട, കിഴുന്നപ്പാറ, ചാലക്കുന്ന്, പടിഞ്ഞാറെക്കര, നൂഞ്ഞിങ്കാവ്, ആറ്റടപ്പ എന്നീ മേഖലകളിലാണ് വോട്ടര്‍മാരെ നേരിട്ടു കണ്ട് വോട്ടഭ്യര്‍ഥിച്ചു. കാപ്പാട്, തിലാന്നൂര്‍, വെള്ളപാറ, ചേലോറ പാറ, പള്ളിപ്പൊയില്‍, ചേലോറ ഹൈസ്‌കൂള്‍, തക്കാളി പീടിക കുമ്ബായി മൂല, പള്ളിപ്രം കോളനി എന്നീ ഭാഗങ്ങളിലെ കുടുംബയോഗങ്ങളില്‍ പങ്കെടുത്തു. എന്‍. ചന്ദ്രന്‍, നെല്ല്യാട്ട് രാഘവന്‍, ടി.പ്രകാശന്‍, എം.പി. ദിനേശന്‍, എം.ലിജിത്ത്, കെ.പ്രദീപന്‍, കെ.വി. ബാബു, കെ.സത്യബാബു, സി.പി. ബാലന്‍, പി.വി. അജിത്ത്, പി.കെ. പ്രഭാകരന്‍, നൈനേഷ്, പി. കുട്ടികൃഷ്ണന്‍, സുമോദ്‌സെന്‍, എം.ബാബു, കെ.ചന്ദ്രന്‍ തുടങ്ങിയവരും സ്ഥാനാര്‍ഥിയുടെ കൂടെയുണ്ടായിരുന്നു. ഇന്നത്തെ പര്യടനം എളയാവൂര്‍ മേഖലയിലാണ്.
സക്കീര്‍ ഹുസൈന്‍
പേരാവൂര്‍: പേരാവൂര്‍ നിയോജകമണ്ഡലം എല്‍ഡിഎഫ് സ്ഥാനാര്‍ഥി കെ.വി. സക്കീര്‍ ഹുസൈന്‍റെ പൊതുപര്യടനത്തിന് തുടക്കമായി. കൊട്ടിയൂര്‍ പുതിയങ്ങാടിയില്‍ കേരള കോണ്‍ഗ്രസ് -എം ജില്ലാ പ്രസിഡന്‍റ് ജോയി കൊന്നക്കല്‍ ഉദ്ഘാടനം ചെയ്തു. നേതാക്കളായ കെ . ശ്രീധരന്‍, ബിനോയ് കുര്യന്‍, തോമസ് മാലത്ത്, ജയ്സണ്‍ ജീരകശേരി, അജയന്‍ പായം തുടങ്ങിയവര്‍ പ്രസംഗിച്ചു. മന്ദംചേരി, വെങ്ങലോടി, ഒറ്റപ്ലാവ്, മീശക്കവല, വെണ്ടേക്കുംചാല്‍, ശാന്തിഗിരി, അടയ്ക്കാത്തോട്, ചെട്ട്യാംപറമ്ബ്, വളയംചാല്‍, കണിച്ചാര്‍, ചാണപ്പാറ, കൊളക്കാട്, ചെങ്ങോം എന്നിവിടങ്ങളിലെ സ്വീകരങ്ങള്‍ക്ക് ശേഷം കേളകത്ത് സമാപിച്ചു. സ്വീകരണ കേന്ദ്രങ്ങളില്‍ ബാബുരാജ് പായം, എം.എസ്. അമര്‍ജിത്ത്, കെ.മോഹനന്‍, പി.കെ. സന്തോഷ് കുമാര്‍, ഹമീദ് കണിയാട്ടയില്‍, വി. ഷാജി, കെ. രാമകൃഷ്ണന്‍, കെ. ശ്രീധരന്‍, വി.വി. ബാലകൃഷ്ണന്‍, കെ.ഭാസ്കരന്‍ എന്നിവര്‍ പ്രസംഗിച്ചു. ഇന്നത്തെ പര്യടനം ചാവശേരി പറമ്ബില്‍ നിന്ന് ആരംഭിച്ച്‌ പയഞ്ചേരി വായനശാലയില്‍ സമാപിക്കും.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു