സാറ്റ് ലൈറ്റ് റൈറ്റില് കുതിച്ചു ഉയരുന്നു മഞ്ജു വാര്യരുടെ താരമൂല്യം
മലയാളത്തിലെ എല്ലാ നായികമാരെയും പിന്നിലാക്കി സാറ്റലൈറ്റ് റേറ്റില് മുന്പന്തിയില് മഞ്ജു വാര്യര്.ഒരു ഡസന് സിനിമകളാണ് മഞ്ജു വാര്യരുടേതായി പുറത്തുവരാനുള്ളത്.ഈ സിനികളുടെ എല്ലാം സാറ്റലൈറ്റ് റൈറ്റ് വിറ്റുപോയി എന്നാണ് ലഭിക്കുന്ന വിവരം.ബോളിവുഡില് അരങ്ങേറ്റം കുറിക്കുന്ന അമേരിക്കി പണ്ഡിറ്ര് എന്ന ചിത്രത്തിന്റെ ഭോപ്പാലിലെ ലൊക്കേഷനിലാണ് താരം ഇപ്പോള്. മാധവനാണ് മഞ്ജു വാര്യരുടെ നായകന്. നവാഗതനായ കല്പേഷ് സംവിധാനം ചെയ്യുന്ന അമേരിക്കി പണ്ഡിറ്റ് പൂര്ത്തിയായശേഷം സൗബിന് ഷാഹിറിനൊപ്പം അഭിനയിക്കുന്ന വെള്ളിരക്കാപ്പട്ടണത്തില് അഭിനയിക്കും. പുതുവര്ഷത്തില് മഞ്ജു വാര്യരുടെ ആദ്യ റിലീസ് മമ്മൂട്ടിയോടൊപ്പം ആദ്യമായി അഭിനയിച്ച ദി പ്രീസ്റ്റാണ്. മികച്ച പ്രകടനമാണ് ചിത്രത്തില് മഞ്ജു വാര്യര് കാഴ്ചവച്ചത്.
മമ്മൂട്ടി ചിത്രത്തില് അഭിനയിക്കുക എന്ന നീണ്ട ആഗ്രഹം രണ്ടാം വരവിലാണ് സഫലമായത്. തിയേറ്ററില് മികച്ച അഭിപ്രായവും കളക്ഷനും നേടി ദി പ്രീസ്റ്റ് മുന്നേറുന്നു. ക്യാപ്ടന്, വെള്ളം എന്നീ ചിത്രങ്ങള്ക്കുശേഷം ജി. പ്രജേഷ് സെന് രചനയും സംവിധാനവും നിര്വഹിച്ച മേരീ ആവാസ് സുനോ പൂര്ത്തിയാക്കിശേഷമാണ് മഞ്ജു വാര്യര് ബോളിവുഡ് ചിത്രത്തില് അഭിനയിക്കാന് പോയത്.ചതുര്മുഖമാണ് മലയാളത്തില് മഞ്ജു വാര്യരുടെ അടുത്ത റീലീസ്. ആദ്യമായി ഹൊറര് ചിത്രത്തില് അഭിനയിക്കുന്നു എന്നതാണ് ചതുര്മുഖത്തിന്റെ ഏറ്റവും വലിയ പ്രത്യേകത.അടുത്ത മാസം ചതുര്മുഖം റിലീസ് ചെയ്യും.
സണ്ണി വയ്ന് നിര്മ്മിച്ച് നിവിന്പോളി നായകനാകുന്ന പടവെട്ട് പോയ വര്ഷം മഞ്ജു വാര്യര് പൂര്ത്തിയാക്കിയിരുന്നു.മോഹന്ലാല് - പ്രിയര്ദശന് ചിത്രം മരക്കാര് അറബിക്കടലിന്റെ സിംഹമാണ് മറ്റൊരു ചിത്രം. ഈ സിനിമയില് മഞ്ജുവിന് അതിഥി വേഷമാണ്. മഞ്ജു വാര്യര് എന്ന അഭിനേത്രിയുടെ ജീവിതത്തിലെ മറ്റൊരു സവിശേഷത ചലച്ചിത്ര നിര്മാണ രംഗത്തേക്കുള്ള പ്രവേശമാണ് . സനല്കുമാര് ശശിധരന് സംവിധാനം ചെയ്യുന്ന കയറ്റം സിനിമ മഞ്ജു വാര്യര് പ്രൊഡക്ഷന്സിന്റെ ആദ്യ ചുവടുവയ ്പാണ്. സഹോദരന് മധു വാര്യര് ആദ്യമായി സംവിധാനം ചെയ്യുന്ന ലളിതം സുന്ദരത്തില് അഭിനയിക്കുമ്ബോഴായിരുന്നു ലോക് ഡൗണ്.
സെഞ്ച്വറി ഫിലിംസുമായി ചേര്ന്നാണ് മഞ്ജുവാര്യര് പ്രൊഡക്ഷന്സ് ലളിതം സുന്ദരം നിര്മിക്കുന്നത്.
നിര്മാതാവ് എന്ന നിലയിലും താരം തിളങ്ങുമെന്നാണ് പ്രതീക്ഷ.മഞ്ജുവിന്റെ മറ്റൊരു ചിത്രം സന്തോഷ് ശിവന് സംവിധാനം ചെയ്ത ജാക്ക് ആന്ഡ് ജില്ലാണ്. ചിത്രത്തിലെ 'കിംകിം കിം" എന്ന പാട്ട് ഇന്സ്റ്റഗ്രാമിലും ഫേസ്ബുക്കിലും സൂപ്പര് ഹിറ്റായിരുന്നു. പാട്ടിന് പിന്നാലെ ചലഞ്ചായി വിഡിയോ കൂടി മഞ്ജു പങ്കുവച്ചതോടെ കഥയും കാഴ്ചയും മാറി. 'പാവാടയും ടീഷര്ട്ടും ധരിച്ച് പോണി ടെയില് സ്റ്റൈലില് മുടികെട്ടിവച്ചാണ് മഞ്ജു ചുവടുവച്ചത്.പാട്ടിന് മഞ്ജു ചുവടുവയ്ക്കുന്നതിനെ അനുകരിച്ച് നിരവധി പേരുടെ ചെറുവിഡിയോകള് വന്നു.അത് മറ്റൊരു തരംഗം. ഒരു മഞ്ജുവാര്യര് സിനിമ തരുന്നതിന്റെ പതിന്മടങ്ങ് പ്രശസ്തി 'കിം കിം കിം" പാട്ട് സൃഷ്ടിച്ചു.കോവിഡ് കാലത്ത് തരംഗവും പ്രശസ്തിയും ഉയര്ത്തിയ ഏക മലയാള താരം മഞ്ജു വാര്യര് തന്നെയാണ്. കാമറയുടെ മുന്പില് വന്നല്ല ഈ വിജയത്തിളക്കം എന്നതാണ് മറ്റൊരു സവിശേഷത.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു