ദുബൈ: സേവനങ്ങൾക്കായി കൂടുതൽ മികച്ച റോബോട്ടുകളും ടെക്നോളജിയുടെ സഹായത്തോടെയുള്ള സർക്കാർ സേവനങ്ങളും ഉൾപ്പെടെ ഭാവികാലം ആവശ്യപെടുന്ന സാങ്കേതിത്തികവിലേക്കുയരാനൊരുങ്ങി ദുബൈ മുനിസിപാലിറ്റി. ജനങ്ങളുടെ ജീവിത നിലവാരം ഉയർത്തുന്നതിനും നഗരത്തിലുടനീളം സന്തോഷം വർദ്ധിപ്പിക്കുന്നതിനുമായി 'ഫ്യൂച്ചറിസ്റ്റ് സാങ്കേതികവിദ്യകൾ' ഉടൻ നടപ്പാക്കുമെന്ന് വാർഷിക ഡിജിറ്റൽ ഫോറത്തിെൻറ ആദ്യ എഡിഷൻ പ്രഖ്യാപിച്ചു.
ഭാവിയിൽ 70ൽപ്പരം സേവനങ്ങൾ ഡിജിറ്റൽ പ്ലാറ്റ്ഫോമിലേക്ക് മാറ്റുന്നതിന് സ്വകാര്യ മേഖലയുമായി സഹകരിച്ച് സംരംഭങ്ങളൊരുക്കും. കസ്റ്റമർ എക്സ്പീരിയൻസ്, ബിസിനസ് ഓട്ടോമേഷനിലേക്കുള്ള മാറ്റം, ഡിജിറ്റൽ ഓപ്പറേറ്റിംഗ് മോഡൽ, സിറ്റി മാനേജ്മെൻറ്, പ്രതിരോധശേഷിയുള്ളതും സുരക്ഷിതവുമായ ഇൻഫ്രാസ്ട്രക്ചർ, ആർടിഫിഷ്യൽ ഇൻറലിജൻസ്, ഇൻഫർമേഷൻ മാനേജ്മെൻറ്, റെക്കോർഡ് സിസ്റ്റം എന്നിവ ഡിജിറ്റൽവത്കരിക്കുമെന്ന് ദുബൈ മുനിസിപാലിറ്റി ഐടി ഡയറക്ടർ അസ്മഹാൻ അൽ സറൂണി പറഞ്ഞു. വ്യവസായ നവീകരണം, ഉപഭോക്താവിെൻറ സന്തോഷം, ഡിജിറ്റൽവത്കരണം പ്രോത്സാഹിപ്പിക്കൽ, ഡാറ്റ ആശ്രയം, സുസ്ഥിര മികവ് എന്നിവയാണ് പ്രധാനമായും ലക്ഷ്യമിടുന്നതെന്നും അദ്ദേഹം കൂട്ടിച്ചേർത്തു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു