തലശ്ശേരി: വസ്തുതാവിരുദ്ധമായ പരാമര്ശങ്ങള് വാര്ത്തസമ്മേളനത്തില് ഉന്നയിച്ച് അപമാനിച്ചതായി ആരോപിച്ച് ഷാഫി പറമ്ബില് എം.എല്.എക്കെതിരെ സംസ്ഥാന ബാലാവകാശ കമീഷന് ചെയര്മാന് അഡ്വ. കെ.വി. മനോജ് കുമാര് തലശ്ശേരി ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതിയില് മാനനഷ്ടക്കേസ് ഫയല്ചെയ്തു.
ക്രിമിനല് നിയമനടപടി പ്രകാരം അഡ്വ. ഒ.ജി. പ്രേമരാജന് മുഖേന സമര്പ്പിച്ച കേസ് കോടതി ഫയലില് സ്വീകരിച്ചു. പരാതിക്കാരെന്റ മൊഴിയെടുക്കാനായി ഏപ്രില് 28ന് കേസ് പരിഗണിക്കും.തൊഴിലിലെ ദുരുപയോഗം കാരണം ബാര് കൗണ്സില് നടപടിയെടുത്ത് പുറത്താക്കിയ വ്യക്തിയാണ് അഡ്വ. മനോജ് കുമാറെന്ന് വാര്ത്തസമ്മേളനത്തില് ഷാഫി പറമ്ബില് എം.എല്.എ തെറ്റായ പരാമര്ശം നടത്തുകയും ഇതേവിവരം സ്വന്തം ഫേസ്ബുക്കിലൂടെ പ്രചരിപ്പിക്കുകയും ചെയ്തു എന്നതാണ് കേസിനാസ്പദമായ സംഭവം.
കുട്ടികളുടെ സംയോജിത വികാസത്തെ സംബന്ധിച്ച ക്ലാസ് സംഘടിപ്പിച്ചില്ല എന്നും തെറ്റായി പ്രസ്താവിച്ചതായി പരാതിയില് പറയുന്നു. സംഭവം സംബന്ധിച്ച് ആദ്യം വക്കീല് നോട്ടീസയച്ചെങ്കിലും വിഷയത്തില് ഖേദപ്രകടനം നടത്താന് എം.എല്.എ കൂട്ടാക്കാത്തതിനെതുടര്ന്നാണ് ക്രിമിനല് നിയമ നടപടി പ്രകാരം അഡ്വ. കെ.വി. മനോജ് കുമാര് കോടതിയെ സമീപിച്ചത്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു