പാലേരി: കൊയിലാണ്ടി താലൂക്കിലെ പാലേരി റേഷന് കട ഉടമ കന്നാട്ടി മാണിക്കാംകണ്ടി കരുണാകരന് റേഷന് കടയില് ആത്മഹത്യ ചെയ്യാന് കാരണം താലൂക്ക് പൊതുവിതരണ കേന്ദ്രത്തിലെ ഉദ്യോഗസ്ഥരുടെ മാനസിക പീഡനം മൂലമാണെന്നാരോപിച്ച് റേഷന് വ്യാപാരികള് തിങ്കളാഴ്ച ജില്ലയില് കടകള് അടച്ചിട്ട് പ്രതിഷേധിക്കും.
സ്റ്റോക്കില് കുറവുണ്ടെന്നാരോപിച്ച് കരുണാകരെന്റ റേഷന് കടക്കെതിരെ നടപടി സ്വീകരിച്ചിരുന്നു. സ്റ്റോക്കിലെ കുറവിന് കാരണം സപ്ലൈ ഓഫിസില്നിന്ന് ലഭിക്കുന്ന സാധനങ്ങളുടെ തൂക്കത്തിലുള്ള കുറവാണെന്നാണ് വ്യാപാരികള് ചൂണ്ടിക്കാണിക്കുന്നത്.കരുണാകരെന്റ മരണത്തിന് കാരണക്കാരായ ഉദ്യോഗസ്ഥരുടെ പേരില് ശക്തമായ നടപടി സ്വീകരിക്കണമെന്നും അല്ലാത്തപക്ഷം സംസ്ഥാന വ്യാപകമായി കടകള് അടക്കാനും കൊയിലാണ്ടി താലൂക്ക് സപ്ലൈ ഓഫിസിനു മുന്നില് സമരപരിപാടികള് ആരംഭിക്കാനും തീരുമാനിച്ചതായി സംസ്ഥാന ജനറല് സെക്രട്ടറി ടി. മുഹമ്മദാലി, സെക്രട്ടറി പി. പവിത്രന്, ജില്ല ജനറല് സെക്രട്ടറി കെ.പി. അഷ്റഫ് എന്നിവര് അറിയിച്ചു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു