ഈ ട്രാൻസ്ഫർ ജാലകത്തിൽ ബ്രസീലിയൻ പ്രതിരോധതാരം ഫിലിപ്പെ ലൂയിസിനെ ടീമിലെത്തിക്കാൻ സ്പാനിഷ് ചാമ്പ്യന്മാരായ ബാഴ്സലോണയുടെ ശ്രമം. നിലവിൽ അത്ലെറ്റിക്കോ മഡ്രിഡ് താരമായ ലൂയിസിന്റെ കരാർ ജൂണിൽ അവസാനിക്കും. ഈ സാഹചര്യത്തിൽ ഫ്രീ ഏജന്റായി ടീമിലെക്കാനാണ് ബാഴ്സ പദ്ധതിയിടുന്നത്.
33 വയസായെങ്കിലും ലൂയിസിനെ ടീമിലെത്തിക്കുന്നതിലൂടെ ജോർഡി ആൽബയക്ക് ഒരു സഹായകമാകുമെന്നാണ് ബാഴ്സ കണക്കുകൂട്ടുന്നത്. ലെഫ്റ്റ് ബാക്ക് പൊസിഷനിൽ സ്ഥിരം പകരക്കാരനില്ലാത്തതിനാൽ കഴിഞ്ഞ സീസണിൽ തുടർച്ചയായി മത്സരങ്ങൾ ആൽബക്ക് കളിക്കേണ്ടി വന്നിരുന്നു. ഈ സാഹചര്യത്തിൽ ലൂയിസിനെ എത്തിച്ചാൽ കോപ്പാ ഡെൽ റേ പോലുള്ള മത്സരങ്ങളിൽ ആൽബക്ക് വിശ്രമം ലഭിക്കും.
2010 മുതൽ അത്ലെറ്റിക്കോ മഡ്രിഡിൽ കളിക്കുന്ന ലൂയിസ് ഇടയ്ക്കൊരു സീസണിൽ ഇംഗ്ലണ്ടിൽ ചെൽസിയിലെത്തി. അത്ലെറ്റിക്കോയ്ക്കൊപ്പം ലാ ലിഗയും യൂറോപ്പാ ലീഗും സ്വന്തമാക്കിയ ലൂയിസ് ചെൽസിക്കൊപ്പം പ്രീമിയർ ലീഗും നേടിയിട്ടുണ്ട്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു