വേനൽച്ചൂടിൽ തണ്ണീർപ്പന്തലൊരുക്കി ദിനേശ്‌

കണ്ണൂർ : വേനൽച്ചൂടിൽ ദാഹമകറ്റാൻ തണ്ണീർപ്പന്തലൊരുക്കി കേരള ദിനേശ്‌. പയ്യാമ്പലം ഓഫീസ് പരിസരത്താണ്‌ ഷോറൂമിലെത്തുന്നവർക്കും വഴിയാത്രക്കാർക്കുമായി ദാഹജലമൊരുക്കിയത്‌.  തണുത്ത വെള്ളം, സംഭാരം എന്നിവയ്‌ക്ക്‌ പുറമേ ദിനേശ് നന്നാറി സിറപ്പും വിതരണം ചെയ്യുന്നുണ്ട്. ഹാൻവീവ് ചെയർമാൻ ടി.കെ. ഗോവിന്ദൻ ഉദ്ഘാടനംചെയ്തു. കേരള ദിനേശ് ചെയർമാൻ എം.കെ.  ദിനേശ് ബാബു അധ്യക്ഷനായി. കേന്ദ്ര സംഘം ഡയറക്ടർ പള്ളിയത്ത് ശ്രീധരൻ, എം. സന്തോഷ്‌ കുമാർ, കേരള ദിനേശ് സെക്രട്ടറി എം.എം. കിഷോർകുമാർ, ഓഫീസ് മാനേജർ എം. പ്രകാശൻ എന്നിവർ സംസാരിച്ചു.