ആറളം ഫാമിലെ കുടിവെള്ള പ്രശ്നം പരിഹരിക്കണം

ഇരിട്ടി : ആറളം ഫാം പുനരധിവാസ മേഖലയിലെ കുടിവെള്ള പ്രശ്നം പരിഹരിക്കാൻ നടപടിയുണ്ടാക്കണമെന്ന് ആവശ്യപ്പെട്ട് അഖിലേന്ത്യ ആദിവാസി മഹാസഭ കളക്ടർക്ക് നിവേദനം നൽകി. ജലനിധിപദ്ധതിയിലെ പ്രശ്നങ്ങൾ പരിഹരിച്ചാൽ കുറേ ബ്ലോക്കുകളിൽ കുടിവെള്ളം ലഭ്യമാക്കാൻ കഴിയും. എന്നാൽ, ജലജീവൻ മിഷൻ പദ്ധതിയുടെ പേരുപറഞ്ഞ് അറ്റകുറ്റപ്പണികൾ ഒന്നും നടത്താതതാണ് പ്രശ്നങ്ങൾക്ക് കാരണമെന്നും നിവേദനത്തിൽ പറഞ്ഞു. ജില്ലാ സെക്രട്ടി എം.കെ.ശശിയുടെ നേതൃത്വത്തിലാണ് നിവേദനം നൽകിയത്.