ഇരിട്ടി: വീട് കേന്ദ്രീകരിച്ച് ചാരായ നിർമാണം നടത്തിവന്ന ഗൃഹനാഥനെതിരെ പേരാവൂർ എക്സൈസ് കേസെടുത്തു. പേരാവൂർ വെള്ളർ വള്ളി ഗണപതിയാട് സ്വദേശിയായ തോമസിനെതിരെയാണ് പേരാവൂർ എക്സൈസ് സംഘം കേസെടുത്തത്. ഇയാളുടെ ഉടമസ്ഥതയിലുള്ള വീട്ടിൽനിന്നും 50 ലിറ്റർ വാഷും വാറ്റുപകരണങ്ങളും കണ്ടെടുത്ത സംഭവത്തിലാണ് കേസ്.
കണ്ണൂർ എക്സൈസ് ഇൻറലിജൻസ് ബ്യൂറോക്ക് ലഭിച്ച രഹസ്യ വിവരത്തെത്തുടർന്ന് കഴിഞ്ഞ കുറച്ച് ദിവസങ്ങളായി ഇയാൾ എക്സൈസ് നിരീക്ഷണത്തിലായിരുന്നു. തുടർന്ന് നിയമസഭ തെരഞ്ഞെടുപ്പിനോടനുബന്ധിച്ചുള്ള സ്പെഷൽ എൻഫോഴ്‌സ്‌മെൻറ് ഡ്രൈവി‍െൻറ ഭാഗമായി പേരാവൂർ എക്സൈസ് സംഘം പോത്തുകുഴി - ഗണപതിയാട് ഭാഗങ്ങളിൽ നടത്തിയ പരിശോധനയിലാണ് ഇയാളുടെ വീട്ടിൽ നിന്നും വാഷും വാറ്റുപകരണങ്ങളും കണ്ടെടുത്തത്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു