ആലക്കോട്: മലയോരത്തെ മിക്ക പോളിംഗ് സ്റ്റേഷനുകളിലും കോവിഡ് സുരക്ഷാ മാനദണ്ഡങ്ങള്‍ പാലിച്ചില്ലെന്ന് ആക്ഷേപം. വോട്ടര്‍മാര്‍ക്ക് നല്‍കേണ്ട കൈയുറ പലയിടത്തും നല്‍കിയില്ല. പോളിംഗ് സ്റ്റേഷനില്‍ ഓഫീസര്‍മാര്‍ പിപിഇ കിറ്റും ധരിക്കാതെയുമായിരുന്നു. മുന്‍ വര്‍ഷങ്ങളില്‍ നിന്ന് വ്യത്യസ്തമായി ആവേശം കുറഞ്ഞ തെരഞ്ഞെടുപ്പായിരുന്നു ഇത്തവണ.
ആലക്കോട് അടക്കമുള്ള മലയോര മേഖലയില്‍ വോട്ടിംഗില്‍ കുറവുണ്ടായി. 60 വയസിന് മുകളിലുള്ള വോട്ടുകള്‍ ആണ് കൂടുതലും രേഖപ്പെടുത്താതെ പോയത്. കഴിഞ്ഞ പഞ്ചായത്ത് തെരഞ്ഞെടുപ്പില്‍ വോട്ട് ചെയ്ത പല വോട്ടര്‍മാര്‍ ഇപ്രാവശ്യം ലിസ്റ്റില്‍ നിന്ന് ഒഴിവാക്കപ്പെട്ടത് ഏറെ വാദപ്രതിവാദങ്ങള്‍ക്ക് കാരണമായികൂടാതെ സ്ഥാനാര്‍ഥിയുടെ ചിഹ്നവും സ്ഥാനാര്‍ഥിയുടെ ചിത്രവും പതിച്ച വോട്ടര്‍ ലിസ്റ്റുമായി ബൂത്തില്‍ എത്തിയ വോട്ടര്‍മാരുടെ പേരിലും തര്‍ക്കങ്ങള്‍ രൂക്ഷമായി. ഇതേതുടര്‍ന്ന് പോളിംഗ് ഓഫീസര്‍മാരും പോലീസും ചിഹ്നവും സ്ഥാനാര്‍ഥിയുടെ ഫോട്ടോയും ലിസ്റ്റില്‍ നിന്ന് ഒഴിവാക്കുകയായിരുന്നു. ഉച്ചയ്ക്ക് ശേഷമുണ്ടായ കനത്ത മഴയും പോളിംഗിനു കാര്യമായി ബാധിച്ചു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു