മാവിലായി: പുരാതനവും ചരിത്ര പ്രസിദ്ധവും മഹത്തുക്കൾ അന്ത്യവിശ്രമം കൊള്ളുന്നതുമായ മാവിലായി കീഴറയിലെ പുതിയപുര മഖാം ആണ്ട് നേർച്ച, കീഴറ മുഹിയുദ്ധീൻ ജുമാ മസ്ജിദ് കമ്മിറ്റിയുടെ ആഭിമുഖ്യത്തിൽ ഇന്ന് (റ:ആഖിർ 21) വിവിധ പരിപാടികളോടെ നടത്തപ്പെടുന്നു. ഒരു ദിവസം മുഴുനീളെ നടക്കുന്ന വിവിധ പരിപാടികളിൽ പ്രമുഖ പണ്ഡിതൻമാരും സാദാത്തീങ്ങളും സംബന്ധിക്കുന്നു.
രാവിലെ സുബ്ഹി നിസ്കാരാനന്തരം മഖാം അങ്കണത്തിൽ വെച്ച് മഹല്ല് പ്രസിഡന്റ്‌ ബഹു: ഇബ്രാഹിം എം പതാക ഉയർത്തി തുടക്കം കുറിക്കുന്ന ചടങ്ങിൽ കീഴറ മഹല്ല് ഖത്തീബ് ബഹു: അബ്ദുൾ സമദ് ഫൈസി തോൽപ്പെട്ടി
പ്രാർത്ഥനകൾക്ക് നേതൃത്വം നൽകും.
രാവിലെ 11.30ന് നടക്കുന്ന ദുആ മജ്‌ലിസിന് ബഹു: പാണക്കാട് സയ്യിദ് നൗഫൽ തങ്ങൾ നേതൃത്വം നൽകും. അസർ നിസ്കാരാനന്തരം നടക്കുന്ന മജ്ലിസുന്നൂറിൽ ബഹു: റഷീദ് ബാഖവി, ജൗഹർ വഹബി, അബ്ദുൾ സമദ് ഫൈസി തോൽപ്പെട്ടി, നിസാമുദ്ധീൻ ഫലാഹി, തുടങ്ങിയവർ സംബന്ധിക്കും.
ഇശാ നിസ്കാരാനന്തരം പൊതുവാച്ചേരി മഹല്ല് ഖത്തീബ് ബഹു : ഹാഫിള് അബ്ദുൾ റസാഖ് ഫൈസിയുടെ നേതൃത്വത്തിൽ സിയാറത്ത്, ദിക്റ് ഹൽഖ, മൗലീദ് പാരായണം, കൂട്ട പ്രാർത്ഥന തുടങ്ങിയവയും നടക്കും. അന്നദാനം ഉണ്ടായിരിക്കുന്നതാണ്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു