ഇസ്രയേൽ പലസ്‌തീൻ സംഘർഷത്തിൽ ഇസ്രായേലിൽ കുടുങ്ങിക്കിടക്കുന്ന ഇന്ത്യക്കാരെ തിരികെയെത്തിക്കുന്ന ഓപ്പറേഷൻ അജയ് വഴി ആദ്യ ഇന്ത്യൻ സംഘം ദില്ലിയിലെത്തി. ആദ്യ സംഘത്തിൽ 11 മലയാളികളുമുണ്ട്.
ഇസ്രയേലിലെ വിവിധ സർവകലാശാലകളിലും സ്ഥാപനങ്ങളിലുമായി നിരവധി ഇന്ത്യൻ വിദ്യാര്ഥികളുണ്ട്. ഇത് കൂടാതെ കെയർഗിവേഴ്സ് പോലുള്ള ജോലികളിൽ ഏർപ്പെടുന്ന ഇന്ത്യക്കാർ അനവധി പേർ ഇസ്രയേലിലുണ്ട്. ഇവരിൽ മടങ്ങിവരേണ്ടവർക്കായാണ് ഓപ്പറേഷൻ അജയ് ഏർപ്പെടുത്തിയത്.
അതേസമയം, ഇസ്രായേല്‍ ഗാസ സംഘര്‍ഷം രൂക്ഷമായിത്തന്നെ തുടരുകയാണ്. മധ്യ ഗാസ ചീന്തിലെ നുസൈറത്ത് അഭയാർഥി ക്യാമ്പിൽ അഭയംതേടിയ 18 പേരെ ഇസ്രയേൽ സേന ബോംബിട്ട് കൊന്നു. ശാത്തി ക്യാമ്പിൽ 10 പേരെയും ബോംബിങ്ങിൽ വധിച്ചു. അഭയകേന്ദ്രങ്ങളും സുരക്ഷിതമല്ലാത്ത അവസ്ഥയാണെന്നാണ് യു.എൻ ഏജൻസികൾ വ്യക്തമാക്കുന്നത്. വലിയ കെട്ടിടങ്ങളും സാധാരണ വീടുകളും ലക്ഷ്യമിട്ട് മിസൈലുകളും ബോംബുകളും വർഷിച്ച ആക്രമണം മണിക്കൂറുകളോളമാണ് നീണ്ടുനിന്നത്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു