കണ്ണൂരില്‍ വീട്ടുമുറ്റത്തിരുന്ന ബൈക്കില്‍ അജ്ഞാതര്‍ പെട്രോളൊ‍ഴിച്ച് തീവെച്ചു

കണ്ണൂര്‍ പയ്യന്നൂർ രാമന്തളിയിൽ ബൈക്ക് തീവച്ച് നശിപ്പിച്ചു. വീട്ടുമുറ്റത്ത് നിർത്തിയിട്ട ബൈക്ക് അജ്ഞാതർ തീവച്ച് നശിപ്പിക്കുകയായിരുന്നു. കുരിശുമുക്കിലെ എം പി ഷൈനേഷിന്‍റെ ബൈക്കാണ് തീവച്ച് നശിപ്പിച്ചത്. പുലർച്ചെ 1.30 ഓടെ ഹെൽമറ്റ് ധരിച്ചെത്തിയ മൂന്നു പേർ ചേർന്നാണ് കത്തിച്ചത്.

കൈരളി ന്യൂസ്‌ തയ്യാറാക്കിയ വീഡിയോ റിപ്പോർട്ട്‌ https://www.youtube.com/watch?v=2TJzNMT3Eec

വീടിന്‍റെ മുന്നില്‍ നിര്‍ത്തിയിട്ടിരിക്കുന്ന ഹോണ്ട യുണീകോര്‍ണ്‍ ബൈക്കിനടത്ത് മ‍ഴക്കോട്ടും ഹെല്‍മെറ്റും ധരിച്ച് മൂന്ന് പേര്‍ എത്തുന്നതും അതില്‍ ഒരാള്‍ കയ്യില്‍ കരുതിയ പെട്രോള്‍ വാഹനത്തിന് പുറത്ത് ഒ‍ഴിക്കുന്നതും ദൃശ്യങ്ങളില്‍ കാണാം. പിന്നാലെ അല്‍പം നീങ്ങി മറ്റ് രണ്ട് പേരുടെ അടുത്ത് എത്തിയ ശേഷം തീപ്പെട്ടി കത്തിച്ചെറിയുന്നതും മൂവരും ഓടി രക്ഷപ്പെടുന്നതും സിസിടിവിയില്‍ പതിഞ്ഞിട്ടുണ്ട്.