മുംബൈ ആസ്ഥാനമായുള്ള സെന്‍ട്രല്‍ റെയില്‍വേയില്‍ അപ്രന്റിസ്ഷിപ്പിന് ഐ ടി ഐക്കാരില്‍ നിന്ന് അപേക്ഷ ക്ഷണിച്ചു. വിവിധ ട്രേഡുകളിലായി 2,409 പേരെയാണ് തിരഞ്ഞെടുക്കുക. അപേക്ഷ ഓണ്‍ലൈനായി സമര്‍പ്പിക്കണം. ഒരു വര്‍ഷമാണ് പരിശീലനം. വിവിധ വര്‍ക്ക്‌ഷോപ്പുകളിലും യൂണിറ്റുകളിലുമാണ് പരിശീലനം.
യോഗ്യത: പ്ലസ്ടു സമ്പ്രദായത്തിലുള്ള പത്താം ക്ലാസില്‍ 50 ശതമാനം മാര്‍ക്കോടെ നേടിയ വിജയം / തത്തുല്യം. ബന്ധപ്പെട്ട ട്രേഡില്‍ നാഷണല്‍ ട്രേഡ് സര്‍ട്ടിഫിക്കറ്റ് (എന്‍ സി വി ടി / എസ് സി വി ടി).
പ്രായം: അപേക്ഷകര്‍ 29.08.1999നും 29.08.2008നും ഇടയില്‍ ജനിച്ചവർ ആയിരിക്കണം (രണ്ട് തീയതിയും ഉള്‍പ്പെടെ). എസ് സി, എസ് ടി വിഭാഗക്കാര്‍ക്ക് അഞ്ച് വര്‍ഷത്തെയും ഒ ബി സി വിഭാഗക്കാര്‍ക്ക് മൂന്ന് വര്‍ഷത്തെയും ഇളവ് ലഭിക്കും. ഭിന്നശേഷിക്കാര്‍ക്ക് പത്ത് വര്‍ഷത്തെ വയസ്സിളവുണ്ട്. വിമുക്തഭടന്മാര്‍ക്കും നിയമാനുസൃത വയസ്സിളവ് ലഭിക്കും.
തിരഞ്ഞെടുപ്പ്: പത്താം ക്ലാസ്, ഐ ടി ഐ എന്നിവയിലെ മാര്‍ക്ക് അടിസ്ഥാനമാക്കി മെറിറ്റ് ലിസ്റ്റ് തയ്യാറാക്കിയാവും തിരഞ്ഞെടുപ്പ്. മുംബൈ, ഭുസാവാള്‍, പുണെ, നാഗ്പുര്‍, സോലാപുര്‍ എന്നീ ക്ലസ്റ്ററുകള്‍ക്ക് കീഴിലാണ് യൂണിറ്റുകള്‍. അപേക്ഷകര്‍ക്ക് ഏതെങ്കിലും ഒരു ക്ലസ്റ്റര്‍ തിരഞ്ഞെടുക്കാം.
അപേക്ഷാ ഫീസ്: 100 രൂപ. ഓണ്‍ലൈനായി അടക്കണം. വനിതകള്‍ക്കും എസ് സി, എസ് ടി വിഭാഗക്കാര്‍ക്കും ഭിന്നശേഷിക്കാര്‍ക്കും ഫീസ് ബാധകമല്ല. ഓണ്‍ലൈനായാണ് അപേക്ഷ സമര്‍പ്പിക്കേണ്ടത്. വിശദ വിവരങ്ങള്‍ക്കും അപേക്ഷിക്കുന്നതിനും www.rrccr.com എന്ന വെബ്സൈറ്റ് സന്ദര്‍ശിക്കുക.
അപേക്ഷിക്കുന്നവര്‍ക്ക് ആധാര്‍ കാര്‍ഡ് നമ്പറോ ആധാറിന് എന്റോള്‍ ചെയ്ത ഐ ഡിയോ ഉണ്ടായിരിക്കണം. ഫോട്ടോയും ഒപ്പും സര്‍ട്ടിഫിക്കറ്റും വിജ്ഞാപനത്തില്‍ നിര്‍ദേശിച്ചിരിക്കുന്ന മാതൃകയില്‍ സ്‌കാന്‍ ചെയ്ത് അപ്ലോഡ് ചെയ്യണം.
ഓണ്‍ലൈന്‍ അപേക്ഷ സ്വീകരിക്കുന്ന അവസാന തീയതി: സെപ്റ്റംബര്‍ 28.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു