ആറ്റാംചേരിയിലെ മല മുകളിൽ സ്വകാര്യ വ്യക്തി പാട്ടത്തിന് എടുത്ത രണ്ടേക്കർ സ്ഥലത്താണ് ഫാം പ്രവർത്തിക്കുന്നത്. ഈ പ്രദേശത്ത് ഒരു കുരിശുപള്ളി പണിയുന്നതിന് വേണ്ടി സ്ഥലം വാങ്ങിയ ശേഷം നാട്ടുകാരുടെ സഹായത്തോടെ റോഡ് നിർമിക്കുകയും ചെയ്തിരുന്നു എന്നും പിന്നീട് ആരുമറിയാതെ ആ പ്രദേശത്ത് പന്നി ഫാം ആരംഭിക്കുകയാണ് ചെയ്തതെന്നും നാട്ടുകാർ ആരോപിച്ചു.
മഴക്കാലത്ത് ഈ ഫാമിലെ മാലിന്യങ്ങൾ ഒഴുകി സമതലത്തിലേക്ക് എത്തുകയും കുടിവെള്ളം മലിനമാക്കുകയും ചെയ്യുന്നു. കൃഷിയിടങ്ങളിലും ഫാമിലെ മാലിന്യം വന്നടിയുകയും ആരോഗ്യ പ്രശ്നങ്ങൾ സൃഷ്ടിക്കുകയും ചെയ്യുന്നു. രണ്ട് വർഷത്തിൽ അധികമായി ഫാം ഇവിടെ പ്രവർത്തിക്കുന്നു എന്നും നാട്ടുകാരുടെ തടസ്സവാദങ്ങളെ അവഗണിച്ചാണ് പ്രവർത്തിക്കുന്നതെന്നും പരാതിയുണ്ട്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു