കണ്ണൂരിൽ വീണ്ടും ട്രെയിനിനു നേരെ കല്ലെറിഞ്ഞു. വന്ദേഭാരത് ട്രെയിനിന്റെ ചില്ലുകൾ തകർന്നു.

വന്ദേഭാരത് ട്രെയിനിന് നേരെ കല്ലേറ്

കണ്ണൂർ: വന്ദേഭാരത് ട്രെയിനിന് നേരെ കല്ലേറ്. കണ്ണൂരിലാണ് സംഭവം. മൂന്നേ മുക്കാലോടെയാണ് തലശ്ശേരിക്കും മാഹിയ്ക്കും ഇടയിൽ വെച്ച് കല്ലേറുണ്ടായത്. കണ്ണൂരിൽ നിന്ന് ഉച്ചക്ക് രണ്ടരക്കാണ് വന്ദേഭാരത് പുറപ്പെട്ടത്.

കല്ലേറിനെ തുടർന്ന് സി8 കോച്ചിന്റെ ചില്ലുകൾ പൊട്ടിപ്പോയി. സംഭവത്തെ തുടർന്ന് ട്രെയിനിൽ ആർപിഎഫ് സംഘം പരിശോധന നടത്തി.

ചില്ല് പൊട്ടി അകത്തേക്ക് തെറിച്ചെന്നാണ് യാത്രക്കാർ വ്യക്തമാക്കുന്നത്. നിലവിൽ ട്രെയിൻ കോഴിക്കോട് വിട്ട് യാത്ര തുടരുകയാണ്. പൊട്ടിയ ചില്ല് താൽക്കാലികമായി ഒട്ടിച്ചിട്ടുണ്ട്. സംഭവത്തിൽ വിശദമായ അന്വേഷണം നടത്തുമെന്ന് അധികൃതർ അറിയിച്ചു.