തലശ്ശേരി ഇരിട്ടി റൂട്ടിൽ ഓടുന്ന ബസ്സിന്റെ ചില്ല് എറിഞ്ഞു തകർത്ത സംഭവത്തിൽ രണ്ട് പേർ പിടിയിൽ

കണ്ണൂർ: ഓടുന്ന ബസിന് കല്ലെറിഞ്ഞ രണ്ടു പേർ അറസ്റ്റിൽ. കണ്ണൂർ തലശ്ശേരിയിലാണ് സംഭവം. ഓടുന്ന ബസ്സിന്റെ ഗ്ലാസ് കല്ലെറിഞ്ഞ് തകർത്ത രണ്ടു പേരാണ് അറസ്റ്റിലായത്. തലശ്ശേരി- ഇരിട്ടി റൂട്ടിലോടുന്ന ലക്ഷ്മിക ബസ്സിന്റെ ഗ്ലാസാണ് തകർത്തത്.

ബസ് ഓടിക്കൊണ്ടിരിക്കുമ്പോഴാണ് കല്ലേറ് ഉണ്ടായത്. സംഭവസമയത്ത് ബസിൽ യാത്രക്കാരുണ്ടായിരുന്നു. എന്നാൽ, കല്ലേറിൽ ആർക്കും പരിക്കേറ്റിട്ടില്ലെന്നാണ് റിപ്പോർട്ട്. മറ്റൊരു ബസ്സിന്റെ ഡ്രൈവറും കണ്ടക്ടറുമാണ് കല്ലെറിഞ്ഞത്. സംഭവത്തിൽ അന്വേഷണം പുരോഗമിക്കുകയാണെന്ന് പോലീസ് അറിയിച്ചു.