കണ്ണാടിപ്പറമ്പ് കനത്ത മഴയിൽ വീടിന്റെ സംരക്ഷണ ഭിത്തി തകർന്നു

 കണ്ണാടിപ്പറമ്പ് : രണ്ടു ദിവസമായി പെയ്യുന്ന കനത്ത മഴയിൽ കണ്ണാടിപ്പറമ്പ് പതിനാലാം വാർഡിലെ കോട്ടാഞ്ചേരി കാവിനു സമീപത്തെ എം. വി സുഖീഷിന്റെ വീടിന് സമീപത്തെ സംരക്ഷണ ഭിത്തി തകർന്നു. കഴിഞ്ഞ ദിവസം രാത്രിയാണ് സംരക്ഷണഭിത്തി തകർന്നത്. ഏപ്രിലിൽ നടന്ന ഗൃഹപ്രവേശന സമയത്താണ് സംരക്ഷണ ഭിത്തി നിർമ്മിച്ചത്. സംരക്ഷണഭിത്തി തകർന്നു സമീപത്തെ വീടിന്റെ കിണറിന്റെ ആൾമറയും തകർന്നു. സംഭവസ്ഥലം നാറാത്ത് ഗ്രാമപഞ്ചായത്ത് പ്രസിഡന്റ് രമേശൻ,പഞ്ചായത്ത് മെമ്പർ മുസ്തഫ,പഞ്ചായത്ത് സെക്രട്ടറി രാഹുൽ എന്നിവർ സന്ദർശിച്ചു. ഏകദേശം രണ്ട് ലക്ഷം രൂപയുടെ നഷ്ടം കണക്കാക്കുന്നു.